Lífið

Febrúarspá Siggu Kling – Sporðdrekinn: Hefur mikla samskiptahæfileika og töfrandi útgeislun

Sigga Kling skrifar

Elsku Sporðdrekinn minn, að sjálfsögðu langar þig bara að liggja í hýði þessa stundina og komast undan vetri og þú átt bara leyfa þér að hvíla þig og engan móral. Febrúar færir þér spennandi nýja möguleika ef þú vilt nýta þér það.

Þetta er mjög trúlega tengt vinnu, verkefni eða einhverju enn meira spennandi, svo vertu fljótur að hugsa þig um og ef þú getur sagt þessa setningu „ég bara kýli á þetta“ og þá gerast hlutirnir. Þú átt eftir að verða svo einbeittur í því sem þú tekur þér fyrir hendur og með þessari orku geturðu umbreytt lífi þínu og hjálpað öðrum um leið.

Opnaðu þig alveg upp á gátt og leyfðu þér að njóta þín, það er enginn að dæma þig en þú getur verið dómharður á sjálfan þig og líka aðra.

Þú hefur mikla samskiptahæfileika og töfrandi útgeislun og til þess að það verði fullkomin útkoma þarftu að blanda kjarki í þetta deig, það er það eina sem vantar upp á líf þitt.

Þetta tengist ástinni og öllu öðru sem þú ert að taka þér fyrir hendur. Það er mikilvægt að hringja eitt eða tvö símtöl til að hraða fyrir hlutunum, hafa samband á Facebook, nota tæknina og ekki bíða eftir því að hitta viðkomandi á förnum vegi.

Það er hægt að segja um þig þú sért með afbrigðum greindur og erfitt að vera í þínum innsta hring, á þessum dögum skaltu hafa meiri sveigjanleika að hleypa fólki inn og gefa einhverjum séns sem þér annars hefði ekki dottið í hug að tala eða tengja þig við. Fjölskyldan er svo mikilvæg þessa dagana, hringdu þar líka í alla, það er mikilvæg ástæða fyrir þessum skilaboðum sem þú ert að fá elskan mín og eftir því sem þú talar við fleiri verður tilveran þín betri. Knús og kossar, Kling.

Frægir Sporðdrekar: Birkir Már Sævarsson landsliðsmaður, Dísa í World Class, Helga Braga Jónsdóttir leikkona, Björk Guðmundsdóttir söngkona, Scarlett Johansson leikkona, Whoopie Goldberg leikkona, Sigríður Elva Vilhjálmsdóttir sjónvarpskona, Emmsjé Gauti rappari, Björk, Indira Ghandi, Karl bretaprins, Hillary Clinton, Leonardo DiCaprio, Magnús Scheving, Steingrímur Sævarr Ólafsson fjölmiðlaráðgjafi, Guðný Hrefna Sverrisdóttir, flugfreyja og gourmé kokkur, Hörður Ágústsson Macland snillingur, Indira Gandhi, Guðrún Ásmundsdóttir og Calvin Klein.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.