Handbolti

Meiddu mennirnir með bestu tölfræðina

Eiríkur Stefán Ásgeirsson skrifar
Aron í leik með íslenska landsliðinu á HM.
Aron í leik með íslenska landsliðinu á HM. Vísir/Getty

Það var vitað að það væri áfall fyrir íslenska landsliðið að missa þá Arnór Þór Gunnarsson og fyrirliðann Aron Pálmarsson. Báðir meiddust í leik Þýskalands og Íslands á HM í gær.

Tölurnar sýna það einnig sem og einkunnagjöf tölfræðiforritsins HB Statz. Arnór Þór er með bestu einkunn leikmanna Íslands úr fyrstu sex leikjunum eða 7,12 að meðaltali. Aron er svo næstur með 7,06 en aðrir leikmenn Íslands eru undir sjö í meðaleinkunn.

Arnór, sem leikur í hægra horni, er markahæsti leikmaður Íslands á mótinu með 37 mörk en skotnýting hans var afbragðsgóð eða 82 prósent.

Aron hefur verið burðarásinn í sóknarleik Íslands en hann er næstmarkahæstur í íslenska liðinu með 22 mörk. Þá er hann langstoðsendingahæsti leikmaður Íslands með 21 stoðsendingu. Næstur er Gísli Þorgeir Kristjánsson með tíu.

Haukur Þrastarson og Óðinn Þór Ríkharðsson voru kallaðir í íslenska landsliðið í stað þeirra Arnórs og Arons.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.