Erlent

Lögðu hald á meira hass í Kristjaníu

Atli Ísleifsson skrifar
Kristjanía er heimsfræg fyrir hið svokallaða Pusher Street, þar sem hassverslun var lengi vel við lýði.
Kristjanía er heimsfræg fyrir hið svokallaða Pusher Street, þar sem hassverslun var lengi vel við lýði. Getty/AGF

Lögregla í Danmörku lagði á síðasta ári hald á 710 kíló af hassi í hverfinu Kristjaníu í Kaupmannahöfn á síðasta ári. Er um 250 kílóa aukning frá fyrra ári.

Anne Tønnes, lögreglustjóri í Kaupmannahöfn, segir að aukningin sé ekki endilega merki um aukin hassviðskipti í Kristjaníu, heldur frekar til merkis um aukna nærveru lögreglunnar í hverfinu.

„Þetta er niðurstaða átaks sem við hófum í maí á síðasta ári. Við erum með aukna nærveru á Pusher Street, bæði þegar kemur að eftirliti og hreinsunar sölubásanna,“ segir Tønnes.

Handtökum hefur sömuleiðis fjölgað í Kristjaníu, en sjö hundruð manns voru handteknir á nýliðnu ári, samanborið við 183 árið 2017.

Þá var hald lagt á 6,2 milljónir danskra króna í reiðufé á síðasta ári, en upphæðin var 1,4 milljónir árið þar áður.

Danmörk
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið