Bergþór ætlar ekki að segja af sér Birgir Olgeirsson skrifar 24. janúar 2019 07:37 Bergþór Ólason, þingmaður Miðflokksins. Aðsend Bergþór Ólason, þingmaður Miðflokksins, hyggst berjast áfram fyrir þeirri stefnu á þingi sem flokkur hans byggir á. Þetta segir Bergþór í aðsendri grein sem birtist í Morgunblaðinu í dag en Bergþór hefur verið í leyfi frá störfum þingsins í ótiltekinn tíma frá því Klaustursmálið kom upp í nóvember síðastliðnum. Hann segir í greininni að það sé óskemmtileg lífsreynsla að koma sjálfum sér á óvart, það viti margir af eigin reynslu og aðrir megi trúa honum Bergþór rifjar upp kvöldið umrædda á Klaustri en hann segir ekkert þeirra hafa hugsað til þess að þau væru að tala við fleiri en þeirra litla hóp og ekki datt þeim í hug að nokkur yrði móðgaður eða sár af tali þeirra. Hann segir að honum þótti það slæm þróun að vita til þess að legið var á hleri þegar annað fólk talar saman á veitingahúsi og fannst einnig vont að fjölmiðlar skyldu birta slíkt drykkjuraus opinberlega og enn verra hversu margir voru ánægðir með hvort tveggja. „En verst af öllu fannst mér að heyra í sjálfum mér,“ skrifar Bergþór sem segist hafa margt við upptökuna og ýmis viðbrögð við henni að athuga. Honum finnst athyglisvert hversu hart sé barist gegn því að þau sem voru hleruð fái aðgang að öllum gögnum sem til eru og gætu líklega sýnt hvernig var í raun staðið að hleruninni. „En ekkert af þessu finnst mér þó eins slæmt og sumt af því sem ég sjálfur hef sagt þetta kvöld. Upptakan var að vísu ólögmæt, hún virðist klippt saman og margt í fréttaflutningi af tali okkar og talsmáta hefur verið tekið úr samhengi, en í mínum huga er aðalatriðið að margt af því sem ég hef sagt þetta kvöld er að mínu mati til skammar, ekki aðeins sleggjudómar og fáránlegar hugleiðingar heldur einnig stundum með orðbragði sem kemur mér mjög illilega á óvart að ég hafi notað.“ Hann segist hafa ákveðið að taka sér launalaust leyfi til að ná áttum og líta í spegilinn á þennan mann sem þarna hafði talið með orðbragði sem Bergþór hefði ekki getað ímyndað sér að hann ætti til. Bergþór segist hafa leitað til áfengisráðgjafa og sálfræðings og hefur átt löng og hispurslaus samtöl við þá sem hafa þekkt hann lengi. „Ég er miður mín yfir mörgu sem ég sagði þetta kvöld og sérstaklega yfir því að orð mín hafi orðið til þess að særa fólk, sem ég hef aldrei viljað særa, en varð skiljanlega sárt þegar upptaka af samtalinu var spiluð fyrir alþjóð. Ég ber ábyrgð á eigin orðum og finnst virkilega leiðinlegt að hafa látið þau verstu þeirra falla. Í okkar fámenna hópi á veitingahúsinu voru þessi orð ósmekklegt en meiningarlaust raus yfir glasi, sem engan særði. Það var ekki okkar ákvörðun að þau skyldu borin á borð fyrir alla þjóðina.“ Hann ætlar að starfa áfram á þingi eftir bestu getu og fagnar hverjum þeim sem vill eiga við hann samstarf um raunveruleg brýn málefni en mun ekki erfa það við neinn sem fer aðrar leiðir. Alþingi Upptökur á Klaustur bar Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Eigendur sjókvíaeldis þurfa ekki að greiða auðlindagjald Innlent Vilja taka upp auðlindagjald að hætti Norðmanna Innlent Kínversk ferðaskrifstofa mátti sín lítils gegn TM Innlent Segir lág laun leikskólakennara mýtu Innlent Fleiri fréttir „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Sjá meira
Bergþór Ólason, þingmaður Miðflokksins, hyggst berjast áfram fyrir þeirri stefnu á þingi sem flokkur hans byggir á. Þetta segir Bergþór í aðsendri grein sem birtist í Morgunblaðinu í dag en Bergþór hefur verið í leyfi frá störfum þingsins í ótiltekinn tíma frá því Klaustursmálið kom upp í nóvember síðastliðnum. Hann segir í greininni að það sé óskemmtileg lífsreynsla að koma sjálfum sér á óvart, það viti margir af eigin reynslu og aðrir megi trúa honum Bergþór rifjar upp kvöldið umrædda á Klaustri en hann segir ekkert þeirra hafa hugsað til þess að þau væru að tala við fleiri en þeirra litla hóp og ekki datt þeim í hug að nokkur yrði móðgaður eða sár af tali þeirra. Hann segir að honum þótti það slæm þróun að vita til þess að legið var á hleri þegar annað fólk talar saman á veitingahúsi og fannst einnig vont að fjölmiðlar skyldu birta slíkt drykkjuraus opinberlega og enn verra hversu margir voru ánægðir með hvort tveggja. „En verst af öllu fannst mér að heyra í sjálfum mér,“ skrifar Bergþór sem segist hafa margt við upptökuna og ýmis viðbrögð við henni að athuga. Honum finnst athyglisvert hversu hart sé barist gegn því að þau sem voru hleruð fái aðgang að öllum gögnum sem til eru og gætu líklega sýnt hvernig var í raun staðið að hleruninni. „En ekkert af þessu finnst mér þó eins slæmt og sumt af því sem ég sjálfur hef sagt þetta kvöld. Upptakan var að vísu ólögmæt, hún virðist klippt saman og margt í fréttaflutningi af tali okkar og talsmáta hefur verið tekið úr samhengi, en í mínum huga er aðalatriðið að margt af því sem ég hef sagt þetta kvöld er að mínu mati til skammar, ekki aðeins sleggjudómar og fáránlegar hugleiðingar heldur einnig stundum með orðbragði sem kemur mér mjög illilega á óvart að ég hafi notað.“ Hann segist hafa ákveðið að taka sér launalaust leyfi til að ná áttum og líta í spegilinn á þennan mann sem þarna hafði talið með orðbragði sem Bergþór hefði ekki getað ímyndað sér að hann ætti til. Bergþór segist hafa leitað til áfengisráðgjafa og sálfræðings og hefur átt löng og hispurslaus samtöl við þá sem hafa þekkt hann lengi. „Ég er miður mín yfir mörgu sem ég sagði þetta kvöld og sérstaklega yfir því að orð mín hafi orðið til þess að særa fólk, sem ég hef aldrei viljað særa, en varð skiljanlega sárt þegar upptaka af samtalinu var spiluð fyrir alþjóð. Ég ber ábyrgð á eigin orðum og finnst virkilega leiðinlegt að hafa látið þau verstu þeirra falla. Í okkar fámenna hópi á veitingahúsinu voru þessi orð ósmekklegt en meiningarlaust raus yfir glasi, sem engan særði. Það var ekki okkar ákvörðun að þau skyldu borin á borð fyrir alla þjóðina.“ Hann ætlar að starfa áfram á þingi eftir bestu getu og fagnar hverjum þeim sem vill eiga við hann samstarf um raunveruleg brýn málefni en mun ekki erfa það við neinn sem fer aðrar leiðir.
Alþingi Upptökur á Klaustur bar Mest lesið Steinunn Ólína skýtur föstum skotum á Katrínu Innlent Skipulögðu árásir í Þýskalandi og víðar í nafni ISKP Erlent Segir borgarstjóra óttalegan vettling Innlent Tveir létust í banaslysi í Eyjafirði Innlent Ætlaði að koma upp um barnaníðing en lenti í klóm hans Innlent „Dapurlegt“ að andstæðingar bólusetninga hafi svo mikil áhrif Innlent Eigendur sjókvíaeldis þurfa ekki að greiða auðlindagjald Innlent Vilja taka upp auðlindagjald að hætti Norðmanna Innlent Kínversk ferðaskrifstofa mátti sín lítils gegn TM Innlent Segir lág laun leikskólakennara mýtu Innlent Fleiri fréttir „Breiðholt mesta fátæktargildra landsins“ Segir borgarstjóra óttalegan vettling Vilja taka upp auðlindagjald að hætti Norðmanna „Dapurlegt“ að andstæðingar bólusetninga hafi svo mikil áhrif Stefnir í sólríkan og hlýjan sumardag fyrsta víða um land Eigendur sjókvíaeldis þurfa ekki að greiða auðlindagjald Tveir létust í banaslysi í Eyjafirði Veturinn sá kaldasti síðan 1999 Vill rjúfa framkvæmdastopp í orkumálum Kári Stefánsson, ákall um vaxtalækkun og hinsegin list Skemmtiferðaskip um tíu metrum frá strandi við Viðey Kínversk ferðaskrifstofa mátti sín lítils gegn TM Komu litlum fiskibáti til bjargar Þyrlan í loftið vegna slasaðs vélsleðamanns Ætlaði að koma upp um barnaníðing en lenti í klóm hans Alvarlegt umferðarslys í Eyjafirði Segir lág laun leikskólakennara mýtu Alltof mörg börn misstu af bólusetningu við mislingum Leyfisveitingin ekki brot á EES-samningnum Með 19 þúsund MDMA-töflur í ferðatöskunni Hafi líka reynt að bana eldri syni sínum Steinunn Ólína segir landráðamál í uppsiglingu Stofnaði lífi átta manna í hættu „í ábataskyni og á ófyrirleitinn hátt“ Fleiri löggur á leiðinni Seðlabankinn geti ekki annað en lækkað vexti Krefja Seðlabankann um vaxtalækkun Eldur í gámi við Sundabakka Alls konar fabúleringar um vinskapinn við Bjarna Ben Lætur staðar numið í pólitíkinni Mikill reykur þegar kviknaði í einangrunarplasti Sjá meira