Handbolti

HSÍ kvartar vegna meðferðarinnar á þjóðsöngnum

Ástrós Ýr Eggertsdóttir skrifar
Íslenskir stuðningsmenn mættu vel til München en fengu ekki að kyrja hápunkt þjóðsöngsins fyrir leikinn.
Íslenskir stuðningsmenn mættu vel til München en fengu ekki að kyrja hápunkt þjóðsöngsins fyrir leikinn. vísir/tom

Handknattleikssamband Íslands ætlar að leggja inn formlega kvörtun til mótastjórnar HM í handbolta vegna þess að íslenski þjóðsöngurinn fékk ekki að hljóma allt til enda fyrir leik Íslands og Króatíu í kvöld.

Guðmundur B. Ólafsson, formaður HSÍ, staðfesti þetta við mbl.is í kvöld.

Klippt var all hressilega aftan af íslenska þjóðsöngnum og sagði Guðmundur það algjörlega óviðunandi að þjóðsöngurinn væri ekki leikinn frá upphafi til enda.

Íslenskir stuðningsmenn á pöllunum í München ætluðu að halda áfram að syngja án undirleiks en það gekk ekki því þjóðsöngur Króata var farinn í loftið.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.