Enski boltinn

Nýr hundrað prósent áfengisskattur í Katar

Óskar Ófeigur Jónsson skrifar
HM-bikarinn verður afhentur næst í Katar í desember 2022þ
HM-bikarinn verður afhentur næst í Katar í desember 2022þ Vísir/Getty

Katar heldur heimsmeistarakeppnina í fótbolta eftir fjögur ár og fótboltaáhugafólk mun þá streyma til landsins til að fylgjast með keppninni.

Eins og vaninn er á slíkum samkomum þá skálar fólk við flest tækifæri og hefur gaman. Verð á áfengi skiptir því marga mjög miklu máli.

Nýjustu fréttir frá Katar eru ekki beint hagstæðar fyrir budduna auk þess að það á enn eftir að koma í ljós hvar verður leyfilegt að drekka á meðan mótinu stendur.

Það eru mjög strangar reglur um neyslu áfengis í Katar eins og í öðrum múslimaríkjum.

Nú eru stjórnvöld í landinu búin að hækka áfengisskattinn svo sem um munar.



Eini áfengissmásalinn í Katar sendi viðskiptavinum sínum bréf á nýársdag þar sem fram kom að allt áfengi sem verður flutt inn til landsins fær nú á sig nýjan hundrað prósent skatt.

Verð á áfengi tvöfaldaðist því um áramótin. Kippa af bjór sem áður kostaði vanalega um þrettán dollara mun nú kosta 26 dollara. 26 dollarar eru rúmlega þrjú þúsund krónur íslenskar.

Nú var árið 2019 að renna í garð en HM í fótbolta hefst ekki fyrr í nóvember 2022. Álagningin gæti því hækkað enn frekar á þessum tæpu fjórum árum.

Útlendingar mega ekki flytja áfengi inn til landsins og allt áfengi er gert upptækt á flugvellinum í Dóha. Það má heldur ekki drekka opinberlega.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.