Innlent

Hvassviðri eða stormur á landinu

Sunna Kristín Hilmarsdóttir skrifar
Það verður rok og rigning víða um land í dag.
Það verður rok og rigning víða um land í dag. vísir/vilhelm

Það verður hvassviðri eða stormur á vestanverðu landinu í dag. Á vef Veðurstofunnar segir að það verði sunnan- og suðvestan 13 til 23 metrar á sekúndu um vestan til en hægari vindur austan til.

Það mun síðan bæta í vindinn norðvestan lands eftir hádegi. Segir í hugleiðingum veðurfræðings að veðrið verði einna verst á Vestfjörðum og austur í Eyjafjörð. Þar geta hviður hæglega farið yfir 35 metra á sekúndu við fjöll.

Þá er það ekki bara vindur sem fylgir þessi nýárslægð því það mun einnig rigna duglega með henni og verður jafnvel talsverð úrkoma á köflum sunnan og suðaustan til fyrri hluta dags.

Veðurhorfur á landinu:

Á föstudag:
Sunnan og suðvestan 8-15 m/s og rigning eða súld, en úrkomulítið á N- og A-landi. Hiti 4 til 9 stig.

Á laugardag:
Sunnan 10-15 m/s og víða rigning, en vestlægari síðdegis með snjókomu eða éljum og kólnar. Hiti nálægt frostmarki um kvöldið.

Á sunnudag:
Allhvöss eða hvöss suðvestanátt og él, en þurrt á austanverðu landinu. Hiti 0 til 4 stig.

Á mánudag:
Suðlæg átt og rigning á köflum en snýst í norðlægari átt á N-verðu landinu með slyddu eða snjókomu. Hiti 0 til 7 stig, mildast syðst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.