Lífið

Nýársspá Siggu Kling – Steingeitin: Vorið gefur þér kraft til að skapa

Sigga Kling skrifar

Elsku Steingeitin mín, þú ert búin að ösla yfir urð og grjót síðasta ár og lendir alltaf á fótunum, eða á klaufunum samanber Steingeit, og þetta ár gefur þér kraft fjallageitarinnar. Það þýðir það að alveg sama hversu erfið þér finnst gangan, kemur alltaf ný sylla í ljós á fjallinu og þú getur annaðhvort forðað þér frá hættum eða fundið þér aðrar spennandi leiðir til þess að leika listir þínar.

Þú munt vekja mikla athygli á þessu ári, í sambandi við starf, verkefni, ást og allt verður eitthvað svo óviðjafnanlegt og töfrandi, en stundum smá hættulegt.

Þér finnst janúar svolítið stoppa kraftinn þinn, en þú átt bara að hvíla þig því það byrjar ekkert að gerast fyrr en í lok janúar eða febrúar og vorið gefur þér kraft til að skapa og ná árangri á þínu sviði. Ekki vera feimin yfir hæfileikum þínum, því um leið og þú hristir höfuðið og finnst ekkert sem þú getur vera merkilegt, þá dofnarðu upp og hefur ekki orku til að framkvæma.

Þú getur rétt ímyndað þér fjallageit sem dregur úr sér þann kraft sem þarf að stökkva yfir á næstu syllu, því þá getur hún ekkert stokkið. Persónulegur ávinningur á eftir auka stolt þitt á þessu ári, en stolt og mont eru systur, svo þú skalt fagna þessum vinningum sem eru að koma í hrönnum fram á vorið.

Þú átt eftir að hjálpa svo mörgum á komandi mánuðum, því það er í eðli þínu að vorkenna þeim sem eiga bágt og þar sem þú þolir ekki meðalmennsku og skiptir það engu máli hvaða skoðun aðrir hafa á því sem þú gerir, því það fer ekkert eins mikið í taugarnar á þér eins og smásálarlegt fólk.

Mars er tímabil ástarinnar, svo veittu tækifærunum í kringum þig athygli og hlustaðu á hjarta þitt slá. Vorið býður þér tækifæri til að flytja og færa þig til, hvort sem það er tengt vinnu eða heimili, svo taktu áhættu sérstaklega um maí mánuð því hann hringir inn heillandi breytingum sem boða gott og hugur þinn er eins oddhvasst járn og hjálpar þér að framkvæma og hafa þá trú sem þú þarft til þess. Að treysta á að allt gangi vel þegar þér dettur í hug að breyta og fara út úr kassanum, eins ábyrgðarfull og þú ert þá getur kvíðinn heimsótt þig í byrjun sumars. Notaðu þá frekar orðið spenna en kvíða og stress því þú ert að fara hárrétta leið, og útkoman í ágúst, september og október er sigur og þú fagnar þessu ári sem aldrei fyrr.

Frægar Steingeitur: Guðjón Pétur Lýðsson markakóngur, Svava Johansen í Sautján, Ingibjörg Sólrún Gísladóttir, dr. Kristín Ólafsdóttir og Davíð Oddsson, Jón Gnarr, Elvis Presley, Gunnar Þórðarson, Tómas Guðbjartsson læknahetja, Lovísa Tómas, Dorrit Moussaieff forsetafrú, Þuríður Blær Jóhannsdóttir, leikkona og Reykjavíkurdóttir, Jesús og Simmi á Fabrikkunni, Óttar Proppé, Ingveldur Ægissdóttir módir og kvunndagshetja, Hendrika Waage hönnuður, Laddi, Jóhann K. Jóhannsson fréttamaður.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.