Lífið

Nýársspá Siggu Kling – Ljónið: Fyrstu mánuðir ársins bjóða upp á ástina

Sigga Kling skrifar

Elsku hjartans besta Ljónið mitt, eins og þú hefur dásamlega útgeislun sem svo inniilega hjálpar öðrum til að slaka á og allir halda þú sért kóngur eða drottning, líta upp til þín og hreinlega dá þig detturðu samt svo oft í þá gryfju að enginn elski þig og þér finnst þú vera að hrapa.

Það er lykilatriði þú gerir þér fulla grein fyrir þessu og vinnir þig út úr þessari tilfinningu með eins miklum krafti og þú værir að ljúka við mastersverkefni þitt við háskólann. Þú býrð nefnilega yfir þeirri náðargáfu að leysa vandamál annarra og þú veist alveg 1000 % hvað þú þarft að gera til að halda þér á hamingubrautinni, en þetta er vinna sem þú þarft að vera meðvitað um.

Árið 2019 færir þér tvo ása sem gefur þér svo mikinn stíganda að ég get hreinlega sagt að þú færð vængi, hversu tignarlegt er það að sjá Ljón fljúga? Þú sérð strax í janúar að þar er dulbúin heppni, meiri veraldleg gæði eða peningar svo þú verður undrandi! Skoðaðu hversu góð tilfinning það er að verða jákvætt hissa, stimplaðu það inn í frumurnar þínar þegar sú upplifun kemur til þín.

Fyrstu mánuðir ársins bjóða upp á ástina, sérstaklega í febrúar sem er frjósemismánuður mikill, magnaðar hugmyndir, meiri líkur á getnaði og ástin springur út eins og lítið blóm óvænt í eyðimörkinni.

Heillandi fólk kemur inn í líf þitt þessa fyrstu mánuði ársins og heppnin verður með þér, tengt nýjum vinum sem munu hjálpa þér að ná flugi. Það er svo vissulega hægt að segja þú sért happafengur í ástum, bæði ertu trygglynd og trú manneskja fram í rauðan dauðann, en líka tilbúinn að fyrirgefa ef með þarf.

Apríl, maí og júní koma þér rosalega á óvart því þá ertu virkilega að sjá að þér sé að takast að láta þér líða vel og vera svo einlæglega hamingjusöm persóna. Sumarið 2019 verður það besta sem þú hefur upplifað í mörg ár því júní, júlí og ágúst sýna þér hvað þú lítur frábærlega vel út og verður í þínu allra besta formi og þá líður þér svo vel.

Þetta verður sannkallað ástarsumar og í öllum regnbogans litum og eftir því sem þú þráir ástina meira, því meira færðu af henni til þín, en vertu alveg viss um hvað þú vilt að ástin gefi þér, segðu það skýrt því hún getur líka dregið mann niður alveg eins og hún getur híft mann upp. Seinnipart sumars og byrjun hausts, færa þér draumastaðsetninguna þína, hvar þú búa eða hvar í lífinu þú vilt vera.

Talan 11 eða þeir tveir ásar sem umlykja þig þetta árið gefa þér forskot á svo marga og í svo mörgu og það er hreinlega eins og þú fáir ekki nei sem svar ef þú ætlar þér að stíga skrefinu lengra í lífinu, svo vertu viðbúinn jáinu og glamúr og glæsileiki mun umleika hvert þitt spor.

Fræg Ljón: Cara Delevingne fyrirsæta, Ágústa Eva Erlendsdóttir, leik- og söngkona, Halldóra Geirharðsdóttir leikkona, Birgitta Haukdal söngkona, Barack Obama Bandaríkjaforseti, Ásdís Rán fyrirsæta, Gísli Gíslason geimfari, Geir Ólafsson söngvari, Þórunn Antonía alheimsstjarna, Albert Eiríks, matgæðingur af bestu sort, Jón Óttar Ragnarsson, athafna- og fjölmiðlamaður, Jennifer Lopez söngkona, Diddú, Sirrý Arnardóttir fjölmiðlakona, Arnór Dan, söngvari, Agent Fresco, Ana Mafalda, besta húshjálp í heimi, Sema Erla Serdar, baráttukona, Rósa Ingólfsdóttir, sjónvarpskona, Anton Máni Svansson, kvikmyndaframleiðandi, Hulk



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.