Innlent

Áfram suðlæg átt og óvenjulega milt miðað við árstíma

Atli Ísleifsson skrifar
Rigning verður um landið sunnan og vestanvert í dag.
Rigning verður um landið sunnan og vestanvert í dag. vísir/vilhelm

Áfram verður suðlæg átt og rigning um landið sunnan og vestanvert í dag. Spáð er átta til fimmtán metrum á sekúndu, en hvassast um miðbik Norðurlands, tíu til átján metra.

Á vef Veðurstofunnar segir að áfram verði óvenjumilt í veðri miðað við árstíma og verður hitinn á bilinu fjögur til tólf stig, hlýjast norðantil.

Á morgun eru hins vegar blikur á lofti þar sem útlit er fyrir að snúist í allhvassa vestlæga átt seinni partinn með kólnandi veðri og éljum eða snjókomu V-lands. 

„Á sunnudaginn heldur éljagangurinn áfram í fyrstu en útlit er fyrir að dragi úr vindi og úrkomu þegar líður á daginn og seint um kvöldið snýst líklega í austlæga átt.“

Veðurhorfur á landinu næstu daga

Á sunnudag: Allhvöss eða hvöss suðvestanátt og él, hvassast NV-til, en þurrt á austanverðu landinu. Hægari síðdegis, en snýst í vaxandi austanátt um kvöldið með slyddu, fyrst sunnantil. Hiti um og yfir frostmarki. 

Á mánudag: Allhvöss eða hvöss norðlæg átt með slyddu eða snjókomu, en hægari og úrkomulítið vestantil. Dregur úr vindi og ofankomu þegar líður á daginn. Kólnandi veður. 

Á þriðjudag: Hæg breytileg átt, bjart að mestu og frost um allt land. Vaxandi sunnanátt þegar líður á daginn, þykknar upp og hlýnar, fyrst vestantil á landinu. 

Á miðvikudag og fimmtudag: Útlit fyrir stífa suðvestanátt með rigningu um landið vestanvert, en þurrt eystra. Fremur hlýtt í veðri.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.