Körfubolti

Harden og félagar skutu niður sjóðheitt lið Denver

Henry Birgir Gunnarsson skrifar
Harden á ferðinni í nótt.
Harden á ferðinni í nótt. vísir/getty
Denver Nuggets hefur komið gríðarlega á óvart í NBA-deildinni í vetur og trónir á toppi vesturdeildarinnar. Liðið hafði þó ekkert að gera í Houston Rockets í nótt.

Houston tapaði um nýliðna helgi eftir að hafa unnið sex leiki í röð. Það kom liðinu ekki úr jafnvægi því það spilaði frábærlega gegn Denver.





Harden magnaður með 32 stig og 14 stoðsendingar fyrir Houston og Clint Capela skilaði 31 stigi og tók 9 fráköst.

Það má segja að Denver hafi verið skotið í kaf því Houston setti niður 22 þriggja stiga körfur í leiknum. Denver skoraði aðeins sjö þriggja stiga körfur.

Úrslit:

Detroit-San Antonio  107-119

Boston-Brooklyn  116-95

Houston-Denver  125-113

Milwaukee-Utah  114-102

New Orleans-Memphis  114-95

Dallas-LA Lakers  97-107

Portland-NY Knicks  111-101

Sacramento-Orlando  111-95

Staðan í NBA-deildinni.

NBA



Fleiri fréttir

Sjá meira


×