Tónlist

Rita Ora og Martin Garrix koma fram á Secret Solstice

Stefán Árni Pálsson skrifar
Garrix er með lag á YouTube sem hefur yfir milljarð spilanir. Rita Ora þekkja mjög margir.
Garrix er með lag á YouTube sem hefur yfir milljarð spilanir. Rita Ora þekkja mjög margir.
Martin Garrix, Rita Ora, Pussy Riot, Morcheeba og Boy Pablo munu koma fram á tónlistarhátíðinni Secret Soltice en þetta kemur fram í tilkynningu frá forsvarsmönnum hátíðarinnar í Laugardalnum.

Rita Ora hefur notið gífurlegra vinsælda síðastliðinn ár sem dómari í X-Factor og fyrir tónlistarútgáfur sínar en enginn kvenlistamaður hefur átt fleiri lög sem hafa komist á topp 10 lista í Bretlandi.

Í nóvember gaf hún út sína nýjustu plötu Phoenix en hún er söluhæsta plata með kvenkyns listamanni í sögunni á breska vinsældalistanum.

Trip-hop fyrirferðamikið

Hinn 22 ára hollenski plötusnúður Martin Garrix hefur á síðastliðnum fimm árum rokið upp vinsældalistum um allan heim og hefur síðastliðinn þrjú ár vera kosinn besti plötusnúður heims af hinu virta tónlistarmiðli DJ Mag.



Ásamt því að vera einn mest streymdi raftónlistarmaður heimsins er hann fjórfaldur platínusölulistamaður. Hann er þekktur fyrir frábæra sviðsframkomu og fékk verðlaun fyrir bestu sviðsframkomu á MTV European Music Awards árið 2016.

Einnig kemur fram rússneski listahópurinn Pussy Riot sem hefur mikið komið fyrir í fjölmiðlum síðastliðinn ár fyrir pólitískar aðgerðir mun koma fram á hátíðinni og breska trip-hop hljómsveitin Morcheeba sem ásamt hljómsveitum eins og Portishead og Massive Attack byrjaðu trip-hop bylgjuna í Bretlandi á níunda áratugnum.

Norska nýstirnið Boy Pablo kemur einnig fram en bæði Martin Garrix og Rita Ora koma fram á föstudaginn 21. júní en nú þegar er hægt að kaupa dagpassa á alla daga hátíðarinnar.

Lagið Animals með Martin Garrix er með yfir milljarð í spilun á YouTube. 

Rita Ora er einfaldlega ein sú allra vinsælasta í heiminum. 


Tengdar fréttir






Fleiri fréttir

Sjá meira


×