Viðskipti erlent

Varð bílveikur í fyrstu ferðinni í tilraunagöngum Musk

Tryggvi Páll Tryggvason skrifar
Svona líta göngin út.
Svona líta göngin út. AP/Robin Beck.
Frumkvöðullinn Elon Musk frumsýndi í gær sérstök tilraunagöng sem fyrirtæki hans, The Boring Company, hefur unnið að að undaförnu. Blaðamaður varð bílveikur er hann prófaði að keyra í göngunum í fyrsta skipti á meðan annar öskraði af hrifningu.

Fréttaveita AP greinir frá en hugmynd Musk með göngunum  gengur út á að þéttriðið net jarðganga undir stórborgum geti leyst umferðarvandann.

Til þess að sannreyna þetta hefur fyrirtækið grafið göngin í grennd við höfuðstöðvar SpaceX, geimfyrirtækis Musk.

Göngin eru  2,3 kílómetrar og fjögurra metra breiða og kostuðu um tíu milljónir dollara, 1,2 milljarða króna.

Blaðamenn fengu að prófa göngin og settust þeir upp í Teslu-bíl sem útbúinn hafði verið sérstaklega til þess að keyra í göngunum, með sérstökum sleða sem festist við göngin.



Í frétt AP segir að bílferðin hafi þó reynst sumum erfið vegna þess hversu ójafnt undirlagið í göngunum er en Musk skýrði það með að starfsmenn hans hefðu runnið út á tíma fyrir kynninguna til þess að tryggja að undirlagið væri slétt. Það stæði þó til bóta.

„Umferð eyðileggur sálina, hún er eins og sýra á sálinu,“ sagði Musk við viðstadda um hefðbundna umferð.

Scvona líta tilraunagöngin út.AP/Robin Beck
Útskýrði hann einnig hvernig hann sæi fyrir sér að hægt væri að nota sambærileg göng víða um heim. Bílum yrði komið fyrir í göngin með lyftum sem komið væri fyrir hér og þar. Sömu lyftur yrðu notaðar til þess að koma bílunum úr göngunum.

Þá yrðu sérstök farartæki til reiði fyrir aðra vegfarendur en ökumenn sem vilja komast leiðar sinnar.

Í prufunni var bílnum ekið á um 60 kílómetra hraða en Musk vonast til þess að hægt verði að ferðast á öruggan hátt á 240 kílómetra hraða í fullbúnum göngum.

Fyrirtæki Musk vinnur nú að því að setja upp sambærileg göng annars staðar í Los Angeles sem og í Chicago en þau verkefni eru enn í umhverfismati og framkvæmdir því ekki hafnar.


Tengdar fréttir

Elon Musk áformar engin uppvakningaragnarök

Einn ríkasti maður heims lætur rafbílaveldi sitt og áform um að byggja upp samfélag á Mars ekki duga sér. Í vikunni seldi hann almenningi eldvörpur fyrir milljarð króna. Óvíst er hvort um grín sé að ræða eða hvort einhver ástæða liggi að baki nýjasta ævintýri Elons Musk.






Fleiri fréttir

Sjá meira


×