Leikjavísir

Búnir að vera í beinni útsendingu í 22 klukkustundir

Samúel Karl Ólason skrifar
Ingi Bauer og Stefán Atli.
Ingi Bauer og Stefán Atli.

Þeir Ingi Bauer og Stefán Atli eru í beinni útsendingu á Youtube og standa fyrir söfnunarútsendingu til styrktar Barnaspítala Hringsins. Styrkir hafa borist jafnt og þétt og safnast hafa rúmar 70.000 kr. en hæsta upphæð barst frá hljómsveitinni Sprite Zero Klan, eða 20.000 kr. Allur ágóði rennur beint til Barnaspítala Hringsins að lokinni útsendingu.

Ingi Bauer og Stefán Atli halda úti Youtube síðunni Ice Cold þar sem þeir spila m.a. Fortnite í beinni útsendingu alla fimmtudaga ásamt því að búa til svokölluð vlogs eða videoblogg.

Þeir hófu útsendingu þeirra í gær og hafa spilað tölvuleikinn Fortnite í tæpan sólarhring. Á meðan hafa strákarnir safnað áheitum til styrktar Barnaspítala Hringsins. Margir góðir gestir á borð við Nökkva Fjalar, GóaSportrönd, söngvarann Chase, Egill Stollz, Aron Ingi og Davíð Regins kíktu við í stúdióið til þeirra og fengu heppnir áhorfendur að spila tölvuleikinn með þeim.

Núna eru þeir búnir að vera í beinni útsendingu samfleytt í rúmar 22 klukkustundir og eiga því eina og hálfa klukkustund eftir, (þegar þetta er skrifað) en útsendingu lýkur klukkan 15:00 í dag.

Styrkir hafa borist jafnt og þétt og safnast hafa rúmar 70.000 kr., samkvæmt tilkynningu, en hæsta upphæðin barst frá hljómsveitinni Sprite Zero Klan, eða 20.000 kr. Allur ágóði rennur beint til Barnaspítala Hringsins að lokinni útsendingu.

Hægt er að fylgjast með síðustu leikjum þeirra félaga hér að neðan.


Tengdar fréttir

Spila Fortnite í sólarhring til góðs

Á morgun ætla félagarnir Ingi Bauer og Stefán Atli Rúnarsson að spila tölvuleikinn Fortnite í 24 klukkustundir til styrktar Barnaspítala Hringsins. Markmiðið er að ná yfir 200 þúsundum krónum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.