Viðskipti innlent

Bill Franke á landinu og fundaði með Skúla í höfuðstöðvum WOW air

Þorbjörn Þórðarson skrifar
Bill Franke er stjórnarformaður Wizz Air og Frontier Airlines og er einn áhrifamesti maðurinn í hinum alþjóðlega flugiðnaði. Hann kom til landsins í dag ásamt starfsmönnum Indigo Partners og ráðgjöfum og fundaði með Skúla Mogensen.
Bill Franke er stjórnarformaður Wizz Air og Frontier Airlines og er einn áhrifamesti maðurinn í hinum alþjóðlega flugiðnaði. Hann kom til landsins í dag ásamt starfsmönnum Indigo Partners og ráðgjöfum og fundaði með Skúla Mogensen. Vísir/samsett mynd

Bill Franke, stofnandi og aðaleigandi Indigo Partners er nú staddur á Íslandi og fundaði í dag með Skúla Mogensen og öðrum starfsmönnum WOW air vegna kaupa á hlut í félaginu sem eru ófrágengin.

Þegar greint var frá því að náðst hefði bráðabirgðasamkomulag milli Indigo Partners og WOW air á föstudag sagðist Skúli Mogensen bjartsýnn á að rekstur WOW air væri tryggður.

 „Ég held að við höfum tekið núna risaskref í rétta átt. Vissulega erum við núna í miðri áreiðanleikakönnun, við þurfum að klára ákveðin skilyrði en það er verið að vinna mjög hratt í þeim efnum og ég er mjög bjartsýnn með framhaldið,“ sagði Skúli.

Franke kom til landsins í morgun frá Bandaríkjunum ásamt starfsmönnum Indigo Partners og ráðgjöfum. Hann fundaði í dag með Skúla Mogensen í höfustöðvum WOW air í Katrínartúni vegna kaupa Indigo Partners á hlut í WOW air samkvæmt upplýsingum fréttastofu.

Franke er stjórnarformaður lággjaldaflugfélaganna Wizz air og Frontier Airlines en Indigo er ráðandi fjárfestir í báðum félögum. Á síðasta ári gekk Indigo Partners frá samningi um pöntun á 430 Airbus þotum. Samningurinn hljóðaði upp á 50 milljarða dollara og er um að ræða einn stærsta samning sögunnar í flugiðnaðinum.

Samkvæmt efni bráðabirgðasamkomulagsins milli Indigo og WOW air verður Skúli áfram meirihlutaeigandi í WOW air.

Í reglugerð Evrópusambandsins um rekstur flugþjónustu á innri markaðnum, sem gildir hér á landi, segir að skilyrði fyrir veitingu flugrekstrarleyfis sé að aðildarríki eða ríkisborgarar aðildarríkja eigi meira en 50 prósent í fyrirtækinu og stjórni því í raun.

Þetta þýðir að á meðan WOW air starfar á grundvelli íslensks flugrekstrarleyfis verða einstaklingar eða lögaðilar frá ríkjum EES-svæðisins (EFTA-ríkjunum og 28 ríkjum ESB) að eiga meira en helmingshlut í félaginu. Að þessu sögðu er ljóst að Indigo Partners, sem er bandarískt fyrirtæki, getur aldrei orðið meirihlutaeigandi í WOW air á meðan WOW air hefur íslenskt flugrekstrarleyfi.

Áreiðanleikakönnun vegna samkomulagsins milli Indigo Partners og WOW air stendur yfir en ekki hafa fengist upplýsingar um hvenær stefnt sé að ljúka henni.

Hér að neðan má sjá kvöldfrétt Stöðvar 2 um fund Skúla og Franke í Katrínartúni í dag.


Tengdar fréttir

Skúli fundaði með samgönguráðherra

Skúli Mogensen, forstjóri og stofnandi WOW air, fundaði með Sigurði Inga Jóhannssyni, samgönguráðherra, í samgönguráðuneytinu eftir hádegi í dag.

Vonar að allt fari vel hjá WOW

Katrín Jakobsdóttir forsætisráðherra segir að ríkissstjórnin fylgist auðvitað vel með gangi mála hjá flugfélaginu WOW air.

Skúli átti í viðræðum við Indigo á sama tíma og hann samdi við Icelandair

Skúli Mogensen stofnandi og forstjóri WOW air átti í viðræðum við bandaríska fjárfestingarfélagið Indigo Partners á sama tíma og hann var í viðræðum við Icelandair Group um kaup á WOW air og eftir að skrifað var undir kaupsamning. Hann segist hafa vonast til að Icelandair myndi falla frá samrunanum þegar áhugi Indigo Partners var ljós.

WOW air verður „ofurlággjaldaflugfélag“ ef Indigo fylgir sömu stefnu

Búast má við miklum breytingum á rekstri WOW air á næstunni ef Indigo Partners mun fylgja sömu stefnu gagnvart WOW air og fyrirtækið hefur fylgt gagnvart öðrum lággjaldaflugfélögum sem það hefur fjárfest í. Þetta segir forstjóri fraktflugfélagsins Bluebird Nordic sem hefur meira en 20 ára reynslu á flugmarkaði.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.