Viðskipti erlent

Facebook-notendur allt í einu skráðir út af miðlinum

Sunna Kristín Hilmarsdóttir skrifar
Notendur voru skráðir út af Facebook og áttu einhverjir erfitt með að skrá sig aftur inn strax í fyrstu tilraun.
Notendur voru skráðir út af Facebook og áttu einhverjir erfitt með að skrá sig aftur inn strax í fyrstu tilraun. vísir/getty

Svo virðist sem að fjöldi Facebook-notenda hafi nú síðdegis allt í einu verið skráður út af miðlinum án nokkurrar sýnilegrar ástæðu. Illugi Jökulsson, blaðamaður og rithöfundur, spyr vini sína á Facebook að því hvort þeir hafi lent í þessu eins og hann og hafa tugir manna svarað játandi á þræðinum.



Þá gerðist þetta einnig fyrir þó nokkra starfsmenn á ritstjórn Vísis og ef marka má umræðuna á samfélagsmiðlinum Twitter eru notendur um alla Evrópu að lenda í viðlíka vandræðum.

Notendur voru skráðir út af Facebook og áttu einhverjir erfitt með að skrá sig aftur inn strax í fyrstu tilraun.

Einn notandi segir til dæmis frá því að hann hafi verið skráður út, ákveðið að breyta lykilorðinu sínu á miðlinum en fékk engan tölvupóst um breytinguna heldur bara meldingu á Facebook um að ekki hefði tekist að breyta lykilorðinu. Ekki væri vitað hvers vegna það var ekki hægt.

Nokkrum mínútum eftir að þetta gerðist var síðan leynilegum gögnum um starfsemi Facebook, sem breska þingið fékk aðgang að, lekið á netið en hvort það tengist eitthvað innskráningarvandræðum notenda er óvíst.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.