Jól

Toblerone-ís fyrir tólf

Vera Einarsdóttir skrifar
Skemmtilegt er að setja jóla- eða áramótablæ á ísinn með því að skera hann út með kökumótum.
Skemmtilegt er að setja jóla- eða áramótablæ á ísinn með því að skera hann út með kökumótum. Fréttablaðið/Sigtryggur Ari

Hrönn Bjarnadóttir kann að gera sér og öðrum dagamun og þá sérstaklega í kringum jól. Hún gefur öllum sem hún þekkir heimagert konfekt, sendir hátt í hundrað jólakort og sér til þess að öll fjölskyldan, og þar með talið hundurinn, eigi samstæð jólanáttföt.

Sjá einnig: Eins og jólasveinninn á sterum

Hrönn er mikill listabakari og gerir alltaf meðfylgjandi ís fyrir áramótin. Uppskriftin dugir vel fyrir tólf og ísinn er bestur með jarðarberjum og þeyttum rjóma.

Toblerone-ís Hrannar

500 ml rjómi
5 eggjarauður
125 g sykur
Tæpur 1 dl Baileys
100 g ristaðar og saxaðar pekanhnetur
200 g Toblerone, saxað
100 g Toblerone, brætt

Þeytið eggjarauður og sykur vel saman. Þeytið rjómann. Saxið pekanhnetur og hitið á pönnu með smá sykri eða sírópi.

Bræðið 100 g af Toblerone og kælið örlítið. Hrærið Baileys út í. Hellið súkkulaðiblöndunni út í eggjarauður og sykur og blandið vel saman. Bætið þeytta rjómanum varlega saman við ásamt söxuðu Toblerone og söxuðum pekanhnetum.

Ísinn er settur í form og svo í frysti. Ef ísinn er settur í form sem er ekki með lausum botni mælir Hrönn með að setja matarfilmu í botninn og upp fyrir kantana svo það sé auðveldara að poppa honum úr forminu til að skera hann og bera fram. Ísinn þarf að vera í frysti í a.m.k. 5 klst. áður en hann er borinn fram.

Að sögn Hrannar er skemmtilegt að setja jóla- eða áramótablæ á ísinn með því að skera hann út með kökumótum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.