Lífið

Jólaspá Siggu Kling – Ljónið: Þú ert alltaf sterkasta mannveran í keðjunni

Sigga Kling skrifar

Elsku Ljónið mitt, það er líklega ekkert eins spennandi og að vera í Ljónsmerkinu, en því fylgir líka að hættur leynast víða svo þú þarft að vera vakandi því þú átt það til að leyfa kæruleysinu að taka völdin og þá geturðu sofnað á verðinum og lent í aðstæðum og atburðum sem þú ert ekki tilbúinn í. Þú þarft að vera á tánum á næstunni, vakandi, viljasterkur og láta ekkert koma þér á óvart nema það sem leynist í jólapökkunum.

Í dýraríkinu eru Ljón yfirleitt í hópum til að passa upp á hvert annað og það eru margir sem vilja passa þig en það er líka til fólk þarna úti sem vill bíta þig. Þér finnst þetta kannski hálf leiðinleg spá en ég er bara að sjá til þess þú passir upp á þig því þú ert alltaf sterkasta mannveran í keðjunni „no matter what“.  Næstu mánuði muntu skynja hugrekki til þess að horfast í augu við sjálfan þig og segja: Ég get þetta og það er allt sem þarf til þess að púsluspilið gangi upp.

Gömul vinkona mín í Ljónsmerkinu var stödd hjá mér í matarboði fyrir stuttu og ég var að fara að opna rauðkálsdós og hún sagði:

„Sigga ég get opnað þessa dós og ég er snillingur í því“. Ég rétti henni dósina og hún reyndi og reyndi en ekkert gekk. Þá sagði ég við hana ætlarðu að gefast upp að opna dósina? Þú verður að segja ég skal opna dósina og hún setti svo mikinn mátt í það að opna dósina og það tókst, svo ég sagði við hana: þessi litla dós er eins og allt lífið þitt, annaðhvort gerirðu hlutinn og lætur ekkert stoppa þig eða grætur yfir því að ekkert gerist eins og þú vilt og þá missirðu máttinn, hvort viltu grenja eða gera?

Þú skalt hugsa vel um þá sem elska þig því með því lærirðu að elska og bera meiri virðingu fyrir sjálfum þér þá færðu sanna ást.

Fræg Ljón: Cara Delevingne fyrirsæta, Ágústa Eva Erlendsdóttir, leik- og söngkona, Halldóra Geirharðsdóttir leikkona, Birgitta Haukdal söngkona, Barack Obama Bandaríkjaforseti, Ásdís Rán fyrirsæta, Gísli Gíslason geimfari, Geir Ólafsson söngvari, Þórunn Antonía alheimsstjarna, Albert Eiríks, matgæðingur af bestu sort, Jón Óttar Ragnarsson, athafna- og fjölmiðlamaður, Jennifer Lopez söngkona, Diddú, Sirrý Arnardóttir fjölmiðlakona, Arnór Dan, söngvari, Agent Fresco, Ana Mafalda, besta húshjálp í heimi, Sema Erla Serdar, baráttukona, Rósa Ingólfsdóttir, sjónvarpskona, Anton Máni Svansson, kvikmyndaframleiðandi, Hulk.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.