Veiði

Jólagleði SVFR verður haldin á föstudagskvöld

Karl Lúðvíksson skrifar

Stangaveiðifélag Reykjavíkur heldur Jólagleði í dalnum þann 7. desember næstkomandi í húsakynnum SVFR klukkan 20:00.

Farið verður um víðan völl þetta kvöld og verður meðal annars ný skemmtinefnd kynnt til leiks. Þetta er kjörið tækifæri fyrir veiðimenn að koma saman og gera sér glaðan dag fyrir jólahátíðina. Meðal þess sem verður gert er að ný skemmtinefnd kynnt til sögunnar en það er sú nefnd sem sér um skipulagningu viðburða á vegum félagsins, Ólafur Finnbogason fer yfir stöðuna í Bíldsfelli, nýjasta ársvæði félagsins, Laugardalsá, kynnt fyrir félagsmönnum, úthlutunarvefurinn kynntur, vinsælustu veiðibloggarar landsins sýna myndir og segja sögur frá liðnu sumri, jólagjafir veiðimannsins eru veiðibækur af ýmsum stærðum og gerðum, hinn geðþekki veiðimaður Sigþór Steinn Ólason les upp framlag sitt í bókinni Undir Sumarhimni, boðið verður upp á smakk úr Stóru Villibráðarbókinni og Happahylurinn verður að sjálfsögðu á sínum stað.

Það eru allir velkomnir.





Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.