Viðskipti innlent

Don Cano snúið aftur

Kolbeinn Tumi Daðason skrifar
Ólafur Stefánsson handknattleikskappi er eitt af andlitum Don Cano.
Ólafur Stefánsson handknattleikskappi er eitt af andlitum Don Cano. Don Cano

Icewear hefur opnað sérstaka Don Cano verslun í Icewear Magasin á Laugavegi. Verslunin er á afmörkuðu svæði innan Icewear Magasin og er því svokölluð „búð í búð”. Svo segir í tilkynningu frá Icewear. Greint var frá fyrirhugaðri endurkomu Don Cano fyrir tveimur árum.

Don Cano er íslenskt merki sem naut vinsælda á Íslandi á niunda áratugnum en lagðist í dvala á 10. áratugnum. Sænski fatahönnuðurinn Jan Davidsson, upphafsmaður merkisins, endurvakti merkið fyrr á þessu ári. 

„Don Cano fæddist á Íslandi seint á áttunda áratugnum þegar Jan var staddur hér á landi í heimsókn hjá tengdaforeldrum sínum. Merkið varð fljótlega gríðarlega vinsælt og Don Cano gallar eru eitt af táknum áttunda áratugarins á Íslandi og voru gallarnir notaðir við öll tilefni. Íslenska skíðalandsliði klæddist til dæmis Don Cano göllum á Vetrarólympíuleikunum í Sarajevo árið 1984. Jan er einn af reynslumestu hönnuðum landsins en hann er 70 ára gamall í dag. Hann hefur meðal annars starfað sem hönnunarstjóri hjá 66°N og þá var hann einn af stofnendum Cintamani,“ segir í tilkynningunni.

Undanfarin ár hafi Jan unnið að upprisu Don Cano og þar sé gleðin sem einkenndi merkið á árum áður í fyrirrúmi.

„Samstarfið við Icewear er frábær lending fyrir Don Cano sem byggir á sömu grunngildum og Icewear; að bjóða vandaðan og flottan fatnað fyrir alla fjölskylduna á sanngjörnu verði. Ég er búinn að vera lengi í þessum bransa, byrjaði sem lærlingur á Savile Row í London og hef unnið með fjöldamörgum fyrirtækjum um allan heim við þróun og hönnun á fatnaði. Ég er mjög spenntur fyrir þessu samstarfi við Icewear og trúi því að við náum að búa til eitthvað sérstakt saman,” segir Jan Davidsson, stofnandi og eigandi Don Cano.

„Don Cano þekkir hvert einstasta mannsbarn á Íslandi sem komið er á ákveðin aldur og við hjá Icewear erum gríðarlega spennt fyrir þessu samstarfi. Jan er mikill reynslubolti og hefur unnið með heimsþekktum vörumerkjum um árabil. Við erum því mjög stolt af því að fá þann heiður að opna fyrstu Don Cano verslunina á Íslandi og kynna Íslendinga aftur fyrir merkinu,” segir Aðalsteinn Pálsson, framkvæmdastjóri Icewear.

Icewear hefur um árabil framleitt útivistarfatnað, fylgihluti og gjafavörur og á rætur sínar að rekja aftur til ársins 1972. Icwear rekur þrjár verslanir undir merkjum Icewear Magasín og er aðaláherslan á fjölbreytt úrval af útivistarfatnaði, skóm og fylgihlutum.


Tengdar fréttir

Don Cano snýr aftur

Tískuvörumerkið Don Cano sem naut mikilla vinsælda á Íslandi á níunda áratug síðustu aldar snýr aftur.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ORIGO
5,11
14
50.451
ICEAIR
2,95
34
234.414
SIMINN
2,83
27
416.767
REGINN
2,29
14
153.964
EIM
2,23
15
226.541

Mesta lækkun dagsins


Félag
Br.%
Fjöldi
Velta*
MARL
-0,39
12
242.543
SYN
-0,23
9
140.003
Velkomin á Vísi. Þessi vefur notar vafrakökur. Sjá nánar.