Lífið samstarf

Einföld ráð fyrir karlmenn til að minnka ágreining og auka nánd í samböndum

Ólafur Grétar Gunnarsson fjölskyldu- og hjónaráðgjafi kynnir
John Gottman og Julie Schwartz Gottman eru höfundar bókarinnar, Það sem karlar vilja vita.
John Gottman og Julie Schwartz Gottman eru höfundar bókarinnar, Það sem karlar vilja vita.
„Veistu hvað konan í þínu lífi er að hugsa? Gleymdirðu kannski að hugsa út í það? Það sem þú heldur er líklega ekki það sem er að gerast í raun og veru. „Það sem karlar vilja vita" eru vísindalega sannaðar staðreyndir um mun kynjanna, sérstaklega settar fram fyrir karlmenn sem vilja ná meiri árangri í samböndum, minnka ágreining og auka nánd,“ segir Ólafur Grétar Gunnarsson fjölskyldu- og hjónaráðgjafi og útgefandi bókarinnar, Það sem karlar vilja vita, eftir John Gottman og Julie Schwartz Gottman.

„Þetta er eins og að fá leiðbeiningabækling. Nú skil ég loksins hvað ég var að gera rangt í mínum samböndum.“ Þetta sagði einn lesandi um bókina við mig eftir lesturinn,“ útskýrir Ólafur Grétar.

„Það er til að mynda mikill misskilningur okkar karlmanna að þegar kona segir okkur frá vanlíðan eða vandamáli, þá byrjum við að koma með lausnir. Það er okkar eðli. Við strákarnir komum með vandamál hvor til annars til að fá lausnir. Konur eru ekkert að biðja um lausnir. Þær þurfa bara að segja frá því hvernig þeim líður og að láta hlusta á sig. Ef þær vilja lausnir, þá biðja þær um þær. Að koma alltaf með lausnir er merki um að þú álítir þig vita meira en þær. Þær vita oftast lausnina en eru meira að hugsa upphátt um vandamálið með að segja frá því, eitthvað sem karlmenn gera sjaldan. Bara með þá vitneskju í farteskinu, breytast samskipti karlmanns við konu jafnvel um leið. Bókin er uppfull af svona einföldum hlutum sem við strákarnir getum tileinkað okkur en samkvæmt rannsóknum höfunda eru það karlmenn sem hafa upphaf af samböndum en eru einnig valdar að sambandsslitunum. Það eru aftur á móti konur sem enda sambönd í meirihluta tilfella. Karlar sem vilja löng og góð sambönd þurfa að vinna vinnuna, lesa sér til og gefa réttu merkin. Þeir þurfa að skilja og þeir þurfa að skiljast. Það er því í valdi karlmanna að halda sambandi lifandi og þar með fjölskyldum saman,“ segir Ólafur.

„Þau John Gottman og Julie Schwartz Gottman hafa rekið ástarrannsóknarstofu í áraraðir og eru helstu sérfræðingar heims á sínu sviði. John hefur m.a. fengið viðurnefnið Einstein ástarinnar hjá New York Times. John hefur birt 200 vísindagreinar og eru hjónin höfundar 44 bóka um ástarmál og samskipti kynjanna og fjölskylduna. Með þeim skrifa bókina Douglas Abrams og læknirinn Rachel Carlton Abrams, sem einnig hafa getið sér gott orð vegna skrifa um sama mál og heilsu. Þýðandi er María Vigdís Kristjánsdóttir, M.A. í mannfélagsfræði, sérkennari cand. spes. ped. og þýðandi cand. mag."

,,Þau tóku allt sem þau höfðu skrifað og suðu niður í eina auðlesna og einfalda bók, sérstaka ætlaða karlmönnum. Þau höfðu öll tekið eftir því að það voru nánast bara konur sem lásu bækurnar þeirra en samkvæmt rannsóknum eru það karlmenn sem hafa meiri þörf fyrir lesturinn. Bókin, Það sem karlar vilja vita, er því þeirra framlag til að við strákarnir náum betri árangri í samböndum og nánd. Við getum oft verið klaufar í þessum samskiptum og skiljum ekkert í því af hverju þau ganga ekki eins og þau eiga að ganga. Með lestri bókarinnar er nær öruggt að samskipti í samböndum batni, líkur aukist á að samband endist, árekstrum fækki og nánd vaxi. Það sem ég hef aftur á móti líka tekið eftir er að konur eru mjög forvitnar um bókina. Bæði til að læra um hugsunarhátt karlmanna og læra um sig sjálfar. Bókin er líka fullkomin og hugulsöm gjöf til karlmanna. Líklega besta gjöfin til lengri og skemmri tíma.“

Bókin kom út í síðastliðinni viku er komin í allar helstu verslanir.

Þessi kynning er unnin í samstarfi við útgefanda bókarinnar






Fleiri fréttir

Sjá meira


×