Veiði

Ennþá verið að skjóta gæs

Karl Lúðvíksson skrifar

Þrátt fyrir að desember hefjist á morgun er ennþá gæs að finna í túnum og ökrum á suðurlandi og á góðum degi er hægt að gera fína veiði.

Við heyrðum meðal annars í Hafliða Halldórssyni á Ármóti en hann náði við þriðja mann 90 gæsum í vikunni en átti aldrei von á að fá jafn mikið af fugli í akurinn eins og raun varð.  Það virðist ennþá vera nokkuð mikið af gæs á suðurlandi og það er skotið á fleiri bæum en við Ármót og margir að gera það gott.  Það sem hefur hjálpað til er veðrið en í haust var oft á tíðum mjög lyngt á svæðinu og þeir sem voru við veiðar þá gátu lent í að fuglinn væri tregur til að koma niður í því blíðskaparveðri sem var oft á svæðinu með tilheyrandi logni og blíðviðri.

Núna síðustu daga hefur verið góður strekkingur og frekar rysjótt veður sem gerir það að verkum að gæsin kemur oft inn í akrana með nokkuð ákveðnum hætti og það eru þau skilyrði sem gæsaskyttur telja ákjósanlegar.  Því til viðbótar má nefna að við Ármót og á nokkrum bæum þar í nágrenninu hefur verið skotið töluvert af Bjargdúfu sem hefur fjölgað sér mikið.  Dúfan er villt og að sögn þeirra sem hafa bragðað hana er þetta afbragðs villibráð sem er í bragði og áferð einhvers staðar á milli rjúpu og andar.  



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.