Leikjavísir

Spila Fortnite í sólarhring til góðs

Benedikt Bóas Hinriksson skrifar
Ingi Bauer og Stefán Atli halda úti Youtube-síðunni Ice Cold þar sem þeir spila Fortnite í beinni alla fimmtudaga og búa til svokölluð vlogs eða vídeóblogg.
Ingi Bauer og Stefán Atli halda úti Youtube-síðunni Ice Cold þar sem þeir spila Fortnite í beinni alla fimmtudaga og búa til svokölluð vlogs eða vídeóblogg.

„Við höfum verið að spila Fortnite í beinni í útsendingu alla fimmtudaga. Byrjuðum í janúarmánuði og sáum að fólk var að horfa. Hugsuðum með okkur að þetta gæti nýst til góðs og Barnaspítalinn er auðvitað verðugt málefni sem gaman er að styrkja,“ segir Stefán Atli Rúnarsson sem ætlar að setjast niður á morgun ásamt félaga sínum Inga Bauer og spila tölvuleikinn vinsæla Fortnite í sólarhring. Ásamt því að spila leikinn ætla þeir líka að gefa vinninga, vera með leiki og skemmtiatriði og fá til sín góða gesti og hvetja áhorfendur til að heita á sig með því að leggja inn á reikning Barnaspítala Hringsins.

Hægt verður að fylgjast með þeim í beinni útsendingu á Youtube-síðunni Ice Cold á morgun.

Þeir félagar fóru að spila leikinn í janúar og á árinu hafa þeir spilað Fortnite í beinni útsendingu hvern einasta fimmtudag síðan í byrjun janúar og hafa því spilað hann í samtals 250 klukkustundir í beinni útsendingu fyrir framan samtals 67.000 manns. Fortnite er einn vinsælasti tölvuleikur í heiminum í dag en hann gengur út á að 100 spilarar hoppa úr rútu á sömu eyjuna og aðeins eitt lið getur staðið uppi sem sigurvegari. Leikurinn hefur notið mikilla vinsælda meðal annars vegna teiknimyndaútlits og þess að hann er ókeypis. Þó hafa notendur möguleika á að kaupa mismunandi búninga og dansa í leiknum.

„Það mun trúlega taka á að vera vakandi í 24 tíma en við munum skipta okkur niður á vaktir. Svo verður gestagangur og ýmislegt skemmtilegt gert þarna á meðan við reynum að safna sem mestu.“ Hægt verður að fylgjast með þeim í beinni útsendingu á Youtube-síðunni Ice Cold á föstudaginn. Útsending hefst kl. 15.00 á morgun, föstudag, og mun standa yfir til kl. 15.00 laugardaginn 1. desember. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.