Innlent

Alvarlegt bílslys í Borgarfirði

Kolbeinn Tumi Daðason skrifar
Þyrla Landhelgisgæslunnar var send á vettvang.
Þyrla Landhelgisgæslunnar var send á vettvang. Vísir/Vilhelm
Þyrla Landhelgisgæslunnar var kölluð út á sjöunda tímanum í kvöld vegna alvarlegs bílslyss sem varð á Borgarfjarðarbraut austur af Borgarnesi í kvöld. Um var að ræða bílveltu en ökumaður var einn í bílnum. Var hann fluttur með þyrlunni á Landspítalann í Fossvogi.

Unnið er að rannsókn á tildrögum slyssins. Rannsóknardeild lögreglunnar á Vesturlandi, rannsóknarnefnd umferðarslysa og tæknideild lögreglunnar á höfuðborgarsvæðinu á vettvangi. Ekki er unnt að veita frekari upplýsingar segir í tilkynningu frá Lögreglunni á Vesturlandi.

Veginum er lokað tímabundið við Flókadalsá vegna slyssins að því er fram kemur í tilkynningu á vef Vegagerðarinnar.  Hjáleið er um Flókadalsveg (515).

Fréttin var uppfærð klukkan 21:17.




Fleiri fréttir

Sjá meira


×