Veiði

Morgunfundur um virði lax og silungsveiða

Karl Lúðvíksson skrifar
Mynd úr safni

Flugufréttir og Hagfræðistofnun standa fyrir fundi um virði lax- og silungsveiða fimmtudaginn 15. nóvember en virði lax- og silungsveiða í hugum veiðimanna er ómetanlegt en Hagfræðistofnun hefur nú fest fingur á fjárhagslegt virði og ábata af veiðum á Íslandi.

Oddgeir Ágúst Ottesen, hagfræðingur hjá Hagfræðistofnun kynnir skýrslu hagfræðistofnunar um virði lax- og silungsveiða. Skýrslan byggir á umfangsmikilli gagnaöflun þar sem upplýsinga var aflað frá yfir tvö hundruð veiðiréttarhöfum, hátt í fjögur hundruð stangaveiðimönnum, eigendum veiðibúða, leigutökum, leiðsögumönnum og fleirum. Í skýrslunni er lagt mat á tekjur af veiðunum, bæði tekjur landeigenda og leigutaka, ásamt annarra tekna sem rekja má til veiðanna. Að erindi hans loknu verður boðið upp á pallborðsumræður þar sem Guðrún Sigurjónsdóttir, stjórnarformaður í Veiðifélagi Norðurár, Ingimundur Bergsson, stofnandi og framkvæmdastjóri Veiðikortsins og Oddgeir ræða nánar um niðurstöður skýrslunnar. Fundarstjóri er Dögg Hjaltalín, einn af eigendum Flugufrétta.

Ókeypis er á fundinn og allir velkomnir en mikilvægt er að skrá sig því að takmörkuð sæti eru í boði. Skráning er hér: https://www.eventbrite.com/e/viri-lax-og-silungsveii-tickets-52172125231 en fundurinn byrjar kl 8:30 í Ægisgarði, Eyjarslóð 5.

Um þátttakendur:

Oddgeir Ágúst Ottesen er með doktorspróf í hagfræði frá Kaliforníuháskólanum í Santa Barbara (UCSB) og hefur frá 2008 unnið við ráðgjafastörf, við kennslu, hjá Seðlabanka Íslands og Fjármálaeftirlitinu. Hann hefur starfað hjá Hagfræðistofnun Háskóla Íslands frá janúar 2018.

Guðrún Sigurjónsdóttir er kúa- og fjárbóndi á Glitstöðum í Norðurárdal ásamt eiginmanni sínum. Guðrún er rekstrarfræðingur og er stjórnarformaður í Veiðifélagi Norðurár og Kaupfélagi Borgfirðinga.

Ingimundur Bergsson er stofnandi og framkvæmdastjóri Veiðikortsins sem hann hefur starfrækt til fjölda ára. Ingimundur er einnig skrifstofustjóri SVFR.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.