Íslenski boltinn

Margir bestu leikmannanna kvíða leikjum

Ástrós Ýr Eggertsdóttir skrifar
Arnar Sveinn í leik með Val
Arnar Sveinn í leik með Val vísir
Mörgum betri leikmanna Pepsideildarinnar finnst ekki gaman að spila leiki í deildinni vegna kvíða. Þetta segir Arnar Sveinn Geirsson, leikmaður Íslandsmeistara Vals.

Arnar Sveinn hefur vakið athygli fyrir að tala opinberlega um áralanga baráttu sína við sorgina eftir að hann missti móður sína aðeins 11 ára gamall. Hann sagði sögu sína í Ísland í dag á dögunum og í morgun birtist langt viðtal við hann í Morgunblaðinu um stöðu Íslands í málum andlegrar heilsu innan fótboltans.

„Ég þekki fullt af leikmönnum sem finnst ekki gaman að spila leiki því þeir verða svo kvíðnir. Margir af þeim eru meðal betri leikmanna Pepsideildarinnar,“ sagði Arnar í viðtalinu.

„Svo eru fleiri sem hafa líka bara hætt, orðnir mjög góðir á íslenskan mælikvarða. Ef við værum að tala um 9-5 vinnu og einstaklingur brennur allt í einu upp í starfi, þá er hann með stéttarfélag sem hægt er að leita til og vinnustað sem stendur betur á bak við hann en íþróttafélögin gera. Utanumhaldið er mun betra og menn geta fundið sér aðra vinnu. Í fótboltanum hætta menn bara. Ég er sannfærður um að í mörgum tilvikum hefði verið hægt að sporna við því, með betra umhverfi, að menn hættu eða næðu ekki þeim gæðum sem þeir hefðu getað náð.“

Arnar sat á dögunum ráðstefnu á vegum FIFPro, alþjóðasamtaka knattspyrnumanna, um andlega heilsu í íþróttum. Hann segir mikilvægt að það komist á betra samband á milli félaganna, KSÍ og leikmannasamtakanna og andleg heilsa sé metin jafnmikils og líkamleg heilsa.


Tengdar fréttir

Horfnar minningar

Minning er eitthvað sem maður man úr fortíð.

„Á endanum var það þannig að ég var farinn að gleyma henni“

Knattspyrnumaðurinn Arnar Sveinn Geirsson var aðeins ellefu ára þegar móðir hans Guðrún Arnarsdóttir dó en Arnar sagði sögu sína í þættinum Íslandi í dag á Stöð 2 í gærkvöldi en hann er í dag 27 ára og leikur með Íslandsmeisturum Vals.

Samviskubit

"Blóðugt bit í samvisku, nú sekt er kennd af miklum krafti“




Fleiri fréttir

Sjá meira


×