Viðskipti erlent

Viðskiptajöfrar krefjast þjóðaratkvæðagreiðslu

Margrét Helga Erlingsdóttir skrifar
Áhrifafólk úr bresku viðskiptalífi telja að almenningur eigi að hafa lokaorðið um Brexit.
Áhrifafólk úr bresku viðskiptalífi telja að almenningur eigi að hafa lokaorðið um Brexit. Getty/David Cliff
Rúmlega sjötíu framámenn í bresku viðskiptalífi birtu í dag opið bréf til stjórnvalda í breska dagblaðinu Sunday Times þar sem þess er krafist að lokasamningur um útgöngu Bretlands úr Evrópusambandinu verði borinn undir þjóðina með þjóðaratkvæðagreiðslu.

Í opna bréfinu eru viðraðar áhyggjur af þróun mála. Áhrifafólk úr bresku viðskiptalífi óttast mjög að landið dragi sig úr Evrópusambandinu án lokasamnings og þá einnig að stjórnvöld geri samning við Evrópusambandið sem feli í sér takmarkanir á aðgengi að innri markaði Evrópusambandsins.

Óvissa og „hart Brexit“ hafi ekki verið á kjörseðlinum

Viðskiptafólkið telur að útgangan og óvissan muni áfram hafa neikvæð áhrif á efnahagslífið og vinnandi fólk í landinu. Síðustu tvö ár hafi þegar leitt til samdráttar í fjárfestingum. Bréfritarar óttast annars vegar óvissuferðina sem felst í því að ganga að samningum með „bundið fyrir augun“ og hins vegar „skaðlegt hart Brexit“.

„Með tilliti til þess að hvorugt var að finna á kjörseðlinum árið 2016 teljum við að þjóðin eigi að hafa lokaorðið um um samningana með þjóðaratkvæðagreiðslu.“

Á meðal þeirra sem lögðu nafn sitt við bréfið sem birtist í Sunday Times eru framámenn í bresku viðskiptalífi á borð við framkvæmdastjóra Waterstone‘s bókabúðanna, Justin King, fyrrverandi framkvæmdastjóra Sainsbury‘s, stjórnarmeðlimir Marks & Spencers.


Tengdar fréttir

May ávarpar Norðurlandaráð

Þing Norðurlandaráðs hefst í Ósló í dag. Þar verður sjónum sérstaklega beint að ógnum við lýðræðið, frjálsa för á Norðurlöndunum og norrænt löggjafarsamstarf.

Hundruð þúsunda fylktu liði gegn Brexit

Um það bil 700 þúsund manns marseruðu í dag um miðborg London og kröfðust þess að kosið yrði aftur um útgöngu Bretlands úr Evrópusambandinu, Brexit. Slíkur fjöldi hefur ekki sést í mótmælagöngu í London síðan árið 2003, þegar Íraksstríðinu var mótmælt.

Theresa May og Katrín Jakobsdóttir funduðu

Á tvíhliða fundi forsætisráðherranna kom í ljós skýr vilji til þess að tryggja réttindi Íslendinga og Breta þegar Bretland gengur formlega úr Evrópusambandinu eftir fimm mánuði.






Fleiri fréttir

Sjá meira


×