Viðskipti innlent

Borgin sátt við kostnaðinn við uppbygginguna á Hlemmi

Heimir Már Pétursson skrifar

Kostnaður við breytingarnar á strætóstöðinni á Hlemmi í mathöll hækkaði um rúm 120 prósent frá frumáætlunum til endanlegs kostnaðar enda segir borgin húsið hafa þarfnast mikillar endurnýjunar. Faglega hafi verið staðið að því að finna út leiguverð til þeirra sem sjá um rekstur hússins.

Mathöllin á Hlemmi var opnuð á Menningarnótt fyrir rúmu ári. En áður hafði verið auglýst eftir rekstraraðila og síðan valið úr þeim hópi sem sótti um. Rekstraraðilinn leigir síðan út aðstöðu til þeirra veitingastaða sem nú eru með aðstöðu í Mathöllinni.

Sjá einnig: Borgin segir þrjá fasteignasala hafa metið leiguverð Hlemms

Frumáætlun um endurbyggingu hússins hljóðaði upp á 107 milljónir en kostnaðurinn varð að lokum 236 milljónir. Óli Örn Eiríksson deildarstjóri atvinnuþróunar hjá borginni segir fjölda samverkandi þátta hafa aukið kostnaðinn við að breyta þessari 40 ára gömlu strætóstöð í mathöll sem standist allar nútímalegar kröfur.

„Það var klárað og jafnvel þótt við bætum við kostnaði við torg endurgerð á þaki er þetta samt þannig að við erum komin með þessa glæsilegu mathöll fyrir fimm, sex hundruð þúsund krónur á fermetra,“ segir Óli Örn.

Rekstrarfélag Sjávarklasans leigir Mathöllina á rétt rúma milljón á mánuði og hafa heyrst raddir um að sú leiga sé lág. Óli Örn segir Sjávarklasann hafa komið best út við mat á þeim sex aðilum sem sóttu um að reka Mathöllina.

„Þegar þar að kemur fáum við þrjá fasteignasala til að meta hvert leiguverðið ætti að vera til að tryggja að það sé markaðsverð sem verið er að greiða,“ segir Óli Örn.

Veitingastaðirnir greiða um sex milljónir í leigu

Samkvæmt heimildum fréttastofu er meðalgrunngjald fyrir hvern bás um hálf milljón á mánuði. Auk þess fær Mathöllin ákveðið hlutfall af veltu hvers veitingastaðar fari hún yfir tiltekin viðmið og staðirnir greiða 100 þúsund króna gjald vegna þrifa, viðhalds og öryggisgæslu. Kostnaður hvers veitngastaðar er því að lágmarki um 600 þúsund krónur á mánuði.

Tíu veitingastaðir eru á Hlemmi og má því ætla að rekstraraðilinn fái um sex milljónir króna á mánuði í leigutekjur en greiði sjálfur um milljón. „Hann rekur húsið. Sér um þrifin á húsinu, öryggisgæslu og að halda salernunum hreinum. Hiti og rafmagn, það fellur allt á þetta rekstrarfélag, Hlemmur mathöll,“ segir Óli Örn.

Rekstur Mathallarinnar hafi reynst vel þótt þrír veitingastaðir hafi ákveðið að hætta þar. Reynslan frá öðrum löndum af sams konar rekstri sýni að það taki tíma að finna jafnvægi á milli leiguverðs og þeirra veitingastaða sem eru í mathöllum.

Þegar er byrjað að vinna að skipulagi að nýju torgi austan við Hlemm mathöll, samkvæmt vinningstillögum í samkeppni um þróun þess svæðis. Þar geti jafnvel risið önnur mathöll þar sem lögð verði áhersla á ferskar vörur.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
3,6
7
34.050
EIK
0,59
9
130.040
HAGA
0,42
2
24.960
ICEAIR
0,41
33
133.550
MARL
0,4
9
103.662

Mesta lækkun dagsins


Félag
Br.%
Fjöldi
Velta*
EIM
-2,15
7
62.376
SKEL
-1,06
2
12.446
ARION
-0,75
4
31.935
FESTI
-0,4
2
61.625
ORIGO
0
4
4.614
Velkomin á Vísi. Þessi vefur notar vafrakökur. Sjá nánar.