Veiði

Nokkur ráð varðandi að láta rjúpu hanga

Karl Lúðvíksson skrifar
Rjúpur er vinsæll jólamatur
Rjúpur er vinsæll jólamatur

Nú er rjúpnaveiðitímabilið hafið og margir farnir að fá pínu vatn í munninn við tilhugsunina um að gæða sér á þessari bragðgóðu villibráð.

Það er til siðs að láta rjúpu hanga áður en hún er elduð en hversu lengi á hún að hanga, hvernig og af hverju?  Það eru ansi skiptar skoðanir á þessu svo við leituðum til nokkurra rjúpnaskyttna til að fá álit þeirra á þessu.  Það er álit margra að láta fuglinn hanga úti þar til samanlagður dagafjöldi og frost gefur þér töluna 40.  Menn eru ekki sammála um hvort hún eigi að hanga á fótunum eða á hausnum en að láta hana hanga á hausnum á að fá bragðið úr fóarninu í bringurnar og að láta hana hanga á fótunum á að láta bragðið úr görnunum, þ.e.a.s. melta fæðuna, fara í bringurnar.  Rjúpan er líka látin hanga til að meyrna kjötið.

Sumir hengja hana upp strax eftir að heim er komið, aðrir fyrsta hana beint eftir veiði og hengja svo allar upp saman einhverja daga fyrir jól.  Stundum látin hanga lengi og stundum stutt.  Svo voru nokkrir sem sögðust bara ekkert láta hana hanga því þeir töldu það ekki skipta neinu máli fyrir bragð.  Flestir voru samt sammála um að gera að henni fjórum til fimm dögum fyrir jól og láta bringurnar standa í kæli til að meyrna.  Eins að taka hana út 5-6 tímum áður en það á að elda hana til að bringan nái stofuhita þegar hún er steykt en ekki að setja hana kalda á heita pönnuna.  Nota bene það er meistarakokkur sem mælti með þessu.

Það verður alltaf þannig að engin ein aðferð er réttari en önnur.  Þú sem ert að byrja á skotveiðum átt eftir að finna það sem þér finnst best.  Undirritaður lætur fuglinn hanga í 7-8 daga, verkar þær nokkrum dögum fyrr og fylgir ráðum kokksins um að meyrna í kæli og standa til að ná stofuhita aður en hún er elduð.  Hefur ekki klikkað bragðið hjá mér ennþá en það skal þó tekið fram að mér er bannað að gera sósuna eftir að hafa næstum því klúðrað henni fyrir nokkrum árum svo eiginkonan sér um sósuna og gerir hana himneska á hverju ári.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.