Lífið kynningar

Upplifðu vetrarfegurðina á Húsafelli

Hótel Húsafell kynnir
Hótel Húsafell er staðsett í náttúruperlu milli hrauns og jökla.
Hótel Húsafell er staðsett í náttúruperlu milli hrauns og jökla. Hótel Húsafell

Hótel Húsafell er staðsett í einstakri náttúruperlu milli hrauns og jökla. Sumir vilja meina að á Húsafelli sé fádæma veðursælt og þar sé einna líklegast að sjá til norðurljósa. Kristján Guðmundsson, markaðsstjóri Hótels Húsafells tekur undir þetta, vetrarfegurðin sé ævintýraleg á Húsafelli.

Tilkomumikill fjallahringurinn og jöklarnir sjást vel frá hótelinu. Fjölmargar fallegar gönguleiðir liggja um svæðið.

„Hér eru fjölmargar fallegar gönguleiðir og vinsælt hjá gestum að fá sér góðan göngutúr við komuna á hótelið, áður en sest er til borðs. Úr matsalnum okkar er einnig stórkostlegt útsýni til jöklanna. Hingað er stutt að fara fyrir borgarbúa sem vilja eiga notalegan tíma í kyrrðinni, slaka á og borða góðan mat,“ segir Kristján en Hótel Húsafell er í rétt rúmlega eins og hálfs tíma akstursfjarlægð frá Reykjavík.

Meðal þess sem gleður augað í landslaginu eru verk listamannsins Páls á Húsafelli en hann heggur meðal annars lágmyndir í steina í landi Húsafells.  Höggmyndir og listaverk eftir Pál prýða einnig hótelið sjálft. Fyrir ævintýragjarna gesti er hraunhellirinn Víðgelmir á næstu grösum, stærsti hellir landsins og einnig íshellirinn í Langjökli, en boðið er upp á ferðir í hellana allan ársins hring.
Kristján segir ferðirnar einstaka upplifun. Svæðið kringum hótelið hafi upp á ótalmargt að bjóða og vinsælt sé að gefa gjafabréf á Hótel Húsafell í jólagjafir.


Gistingu á Hótel Húsafelli fylgir aðgangur að sundlaug og heitum laugum á opnunartíma.

Gjafabréfin vinsæl jólagjöf

„Gjafabréf í mat og gistingu hjá okkur eru tilvalin jólagjöf. Við erum með gjafabréf sem gilda allt árið en einnig gjafabréf sem gilda yfir veturinn.  Innifalið í gistingu er morgunverður og aðgangur að sundlauginni á opnunartíma. Við laugina eru heitir pottar og tvær heitar laugar og hægt er að fá lánaðan búnað til að fljóta í lauginni og upplifa þannig algera slökun,“ segir Kristján.

Fimm rétta jólaseðill

Jólaseðill hótelsins er ekki af verri endanum en hann telur fimm rétti sem kitla bragðlaukana. Meðal rétta er pönnusteikt hörpuskel með pressaðri svínasíðu, eplasultu og sellerírót og nautalund með rösti kartöflum, jarðskokkum og rauðvínsgljáa. Jólaseðillinn gildir frá 25. nóvember til 18. Desember.

Gestir njóta matarins í hlýlegu umhverfi. Fimm rétta jólaseðill gildir til 18. desember.

Heitar náttúrulaugar

„Eftir vel heppnaða ferð á Húsafell er svo hægt að setja punktinn yfir iið með heimsókn í Krauma heilsulind, þar er að finna náttúrulaugar með tæru vatni úr Deildartunguhver og tvennskonar gufuböð,“ segir Kristján.  Aðeins er um 25 mínútna akstur frá Hótel Húsafelli í Krauma, í leiðinni til baka til Reykjavíkur.

Nánari upplýsingar um jólaseðil Hótels Húsafells og gjafabréfin er að finna á www.hotelhusafell.is

Þessi kynning er unnin í samstarfi við Hótel Húsafell

Ferðaþjónusta í Borgarfirði var umfjöllunarefni þáttarins Um land allt á dögunum en þá heimsótti Kristinn Már Unnarsson meðal annars Hótel Húsafell. Horfa má á þáttinn hér fyrir neðan.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.