Innlent

Sundmannakláði kom upp í Landmannalaugum

Kristín Ólafsdóttir skrifar
Umhverfisstofnun bendir gestum laugarinnar á að enn eru líkur á að gestir geti orðið varir við sundmannakláða.
Umhverfisstofnun bendir gestum laugarinnar á að enn eru líkur á að gestir geti orðið varir við sundmannakláða. Vísir/vilhelm
Umhverfisstofnun hefur fengið tilkynningu um að notendur náttúrulaugarinnar í Landmannalaugum hafi nýverið fengið útbrot vegna sundmannakláða. Gestir eru varaðir við því að baða sig í náttúrulauginni um sinn. Þetta kemur fram í frétt á vef Umhverfisstofnunar.

Sundlirfa fuglablóðagða. Myndin er stækkuð 256-falt.Getty
Sundmannakláða má rekja til lirfa fuglablóðagða (Schistosomatidae) en þær valda útbrotum þegar farið er í vatn þar sem þær eru til staðar. Kláðabólur myndast þegar ónæmiskerfi líkamans hefur tekist að stöðva lirfurnar. Sýni menn ekki ofnæmisviðbrögð hefur lirfunni tekist að komast óáreittri inn í líkamann, en þar drepst hún fljótlega, að því er segir í frétt Umhverfisstofnunar.

Blóðögðurnar finnast í andfuglum eins og stokkönd og duggönd sem eiga það til að dvelja á svæðinu í Landmannalaugum. Umhverfisstofnun hafði samráð við sóttvarnarlækni og byggist niðurstaða á greiningum frá Tilraunastöðinni á Keldum. Stofnunin vinnur nú að því í samstarfi við fagaðila að koma í veg fyrir að sundmannakláði berist áfram í náttúrulaugina í Landmannalaugum.

Umhverfisstofnun bendir gestum laugarinnar á að enn eru líkur á að gestir geti orðið varir við sundmannakláða baði þeir sig í náttúrulauginni í Landmannalaugum.




Fleiri fréttir

Sjá meira


×