Körfubolti

Lítill varnarleikur í NBA-leikjum næturinnar

Anton Ingi Leifsson skrifar
Úr leik Oklahoma og Milwaukee í nótt.
Úr leik Oklahoma og Milwaukee í nótt. vísir/getty

NBA-liðin halda áfram að undirbúa sig fyrir komandi tímabil en í kvöld fóru tveir leikir fram á undirbúningstímabilinu.

Oklahoma hafði betur gegn Milwaukee í spennutrylli, 119-115. Framlengja þurfti leikinn eftir að staðan var jöfn eftir venjulegan leiktíma.

Christian Wood var stigahæstur hjá Milwaukee með nítján stig en næstur kom Tyler Zeller með sautján og Tim Frazier með fjórtán.

Hjá Oklahoma var Paul George stigahæstur með 26 stig. Hamidou Diallo gerði nítján og Deonte Burton bætti við sextán stigum.

Í hinum leik næturinnar hafði LA Clippers betur gegn Denver á heimavelli en LA Clippers vann að lokum með sex stigum, 109-103.

Það voru margir sem lögðu lóð á vogaskálarnar hjá Denver. Stigahæstur var Trey Lyles með fimmtán stig en hjá LA Clippers var það Danilo Gallinari sem skoraði flest stig, eða sextán talsins.

NBA


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.