Viðskipti innlent

Mathallir fagna fleiri mathöllum

Stefán Ó. Jónsson skrifar
Frá mathöllinni á Granda.
Frá mathöllinni á Granda. Vísir/Vilhelm

Aðstandendur mathallanna á Hlemmi og Granda óttast ekki aukna samkeppni í mathallageiranum á komandi misserum. Þvert á móti kalla þeir eftir fleiri mathöllum - ekki síst ef nýju staðirnir verða „trúir grundvallarhugmyndum götubitamenningar.“

Mikil gróska er í mathallarflóru landsmanna þessi misserin. Mathöllin á Hlemmi fagnaði í ágúst eins árs afmæli en auk hennar er starfrækt mathöll í húsi Sjávarklasans að Grandagarði. Þá greindi Vísir frá því á mánudag að til stendur að opna hið minnsta tvær nýjar mathallir á næstu mánuðum, aðra í Kringlunni og hina á Bíldshöfða.

Þessi þróun á sér sterka skírskotun víða um heim, þar sem sambærilegir götubitastaðir njóta aukinna vinsælda. Þær eru raktar til ýmissa þátta, ekki síst hugarfarsbreytingar sem hefur orðið til matargerðar á undanförnum árum þar sem aukin krafa er gerð um „nálægð við matvælin.“ Þar að auki er kosturinn við götubitastaði sá með þeim gefst veitingamönnum kostur að opna nýja veitingabása talsvert lægra stofnframlag heldur en þekkist í hefðbundnum veitingarekstri.

Grunnhugsjónin megi ekki glatast

Aðstandendur Sjávarklasans, sem halda utan um rekstur mathallanna á Hlemmi og Granda, stendur ekki stuggur af hinum nýjum mathöllum sem fyrirhugaðar eru. Sjávarklasinn segist fagna auknum fjölbreytileika í flórunni og hvetur íslenskt athafnafólk til að efla götubitamenningu landsins enn frekar.

Það sé þó mikilvægt, að mati Sjávarklasans, að nýju mathallirnar séu reknar með grundvallarhugmyndir götubitamenningar að leiðarljósi. „Í því felst að bróðurpartur staðanna sé í eigu einstaklinga sem sjálfir vinna við staðina, staðbundin hráefni séu nýtt, vörur komi beint frá býli eða vinnslu og gætt sé að umhverfisþáttum. Þá er mikilvægt að götubitastaðir leggi áherslu á fjölbreytni og ekki síður að efla íslenska götubitamenningu,“ segir í afmælisriti mathallarinnar á Hlemmi.

Í ljósi aukinnar grósku í mathallarflórunni hafa Hlemmur og Grandi Mathöll boðað til málþings um götubitann, íslenska matarmenningu og framtíð mathalla hér á landi.

„Markmiðið er að vekja athygli á þeim spennandi tækifærum sem íslenskir framleiðendur og frumkvöðlar standa frammi fyrir í ljósi breytinga á matarvenjum og hvernig Íslendingar geti nýtt sér eiginleika og sérstöðu landsins til að mæta, og jafnvel móta, kröfur neytenda framtíðarinnar,“ segir í tilkynningu frá mathöllunum.

Málþingið fer fram þann 25. október við Grandabryggju og hefst klukkan 17.


Tengdar fréttir

Íslenska Twittersamfélagið sagði sama brandarann

Eftir að fréttir bárust frá því í gær að sérstök Mathöll myndi opna í Kringlunni á næstunni virtust íslenskir tístarar margir hverjir uppgötva sama brandarann sem tengdist matartorgi af þessari tegund.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HEIMA
3,6
4
34.130
ORIGO
3,41
11
64.165
HAGA
3,34
9
116.729
FESTI
3,23
14
192.368
SIMINN
3,2
19
269.039

Mesta lækkun dagsins


Félag
Br.%
Fjöldi
Velta*
ICEAIR
-3,39
97
445.720
GRND
0
2
1.506
MARL
0
23
231.586
EIM
0
11
201.996
Velkomin á Vísi. Þessi vefur notar vafrakökur. Sjá nánar.