Lífið

Árin án móður sinnar í Rússlandi voru lærdómsrík

Stefán Árni Pálsson skrifar
Katrín Lea Elenudóttir tekur þátt í Miss Universe í desember í Bangkok.
Katrín Lea Elenudóttir tekur þátt í Miss Universe í desember í Bangkok. vísir/vilhelm

Katrín Lea Elenudóttir var krýnd Miss Universe í ágúst en hún mun taka þátt í 67. Miss Universe keppninni í Bangkok í desember. Katrín er í fullum undirbúningi fyrir keppnina og er hún þriðji gestur Einkalífsins á Vísi.

Í þáttunum er rætt við fólk sem skarar fram úr á sínu sviði. Katrín Lea fæddist í Síberíu í Rússlandi og flutti til landsins þegar hún var 9 ára.

Elena móðir hennar flutti til landsins fimm árum áður og bjó hún hjá ömmu sinni og afa í Rússlandi í fimm ár, á meðan móðir hennar kom sér fyrir hér á landi.

„Ég hef alltaf verið með mikið sjálfstraust en þessi keppni hefur hjálpað mér mikið. Ég er ekki að þessu fyrir einhverja kórónu. Ég fékk þessa reynslu að standa fyrir framan mikið af fólki og þetta var bara ekki eins hræðilegt og ég hélt að þetta yrði fyrst,“ segir Katrín og heldur áfram:

Katrín Lea fer til Bangkok í nóvember. vísir/vilhelm

„Það skiptir engu máli hvað annað fólk hugsar um þig, það skiptir máli hvað þér finnst um þig.“

Stór tækifæri 

Katrínu dreymir um að vinna Miss Universe keppnina.

„Ég vona það og langar það rosalega mikið. Stelpur sem vinna þessa keppni fá rosalega stórt tækifæri og flytja til New York og fá að búa í íbúð með Miss USA í eitt ár á Manhattan.“

Í þættinum ræðir Katrín meðal annars um barnæskuna í Rússlandi og hvernig henni var tekið hér á Íslandi,  gagnrýni á fegurðarsamkeppnir, bikiníhlutann og hvernig fólk tók í það þegar hún skráði sig í Miss Universe Iceland. 

Katrín stefnir á það að standa sig vel í keppninni í Bangkok í desember.

Hér að neðan má sjá þriðja þáttinn af Einkalífinu en þátturinn vikulegi er í loftinu á fimmtudögum á Vísi.


Tengdar fréttir

„Það erfiðasta sem ég hef gert“

Leikkonan Kristín Þóra Haraldsdóttir fer á kostum í kvikmyndinni Lof mér að falla en þar leikur hún sprautufíkil sem hefur misst öll tök á lífi sínu.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.