Tónlist

Föstudagsplaylisti Curvers Thoroddsen

Hjalti Freyr Ragnarsson skrifar
Curver er þekktur fyrir uppátækjasemi sína.
Curver er þekktur fyrir uppátækjasemi sína. Vísir/Vilhelm

Curver Thoroddsen tónlistar- og myndlistarmaður hefur komið víða við á löngum ferli en er hvað þekktastur fyrir raftónlistarverkefni sitt og Einars Arnar Bendiktssonar, Ghostigital.

Auk þess að vera meðlimur í Ghostigital sér hann um upptökustjórn hjá verkefninu en hann er afkastamikill upptökustjóri. Sem dæmi má nefna að hann vann náið með Mammút að síðustu plötu sveitarinnar, Kinder Versions, sem fékk frábærar viðtökur eftir að hún kom út í fyrra.

1. febrúar 2006 tók hann upp á því að breyta nafni sínu, sem þá var Birgir Örn Thoroddsen, í Curver Thoroddsen. Þetta undirstrikaði hann með heilsíðuauglýsingu í DV þess efnis.

Hann hefur síðan þá staðið í stappi við mannanafnanefnd um að breyta nafninu lagalega og kom nýlega af stað myllumerkinu #FuckTheHumanNameCommittee vegna þess.

Á morgun frumflytur hann verk til heiðurs tónskáldinu Atla Heimi Sveinssyni á hátíðinni ErkiTíð. Verkið er unnið upp úr heilum helling tónverka og laga eftir Atla Heimi.

Atli er talinn eitt virtasta tónskáld okkar Íslendinga. Á sjöunda og áttunda áratug síðustu aldar var hann eina íslenska tónskáldið sem bæði „hneykslaði íslenska smáborgara með brjáluðum tilraunaverkum“ og „yljaði þeim um hjartarætur með yndisfögrum laglínum sem enginn vildi vera án,“ samkvæmt tónfræðingnum Árna Heimi Ingólfssyni.

Það má segja að lagavalið hjá Curver sé undir einhverjum áhrifum frá Atla og verkinu sem hann sjálfur frumflytur á morgun, en listinn ætti þó að koma flestum í föstudagsgírinn.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.