Fótbolti

Enn þá um 1.400 miðar eftir á leikinn gegn Sviss í kvöld

Tómas Þór Þórðarson skrifar
Það er ekkert mál að fá miða á tix.is.
Það er ekkert mál að fá miða á tix.is. Vísir/Getty

Strákarnir okkar mæta Sviss í gríðarlega mikilvægum leik í Þjóðadeildinni í fótbolta á Laugardalsvellinum í kvöld en leikurinn hefst klukkan 18.45 og er í beinni útsendingu og í opinni dagskrá á Stöð 2 Sport HD.

Miðasala hefur gengið erfiðlega eftir að slegist hefur verið um miðana undanfarin ár þegar liðinu gekk sem best en spennan er eitthvað minni fyrir þessum leik eftir skellina í fyrstu tveimur leikjum Þjóðadeildarinnar.

Um 1.400 miðar eru enn þá eftir á leikinn í kvöld en þetta kemur fram í frétt mbl.is. Um 2.500 miðar voru eftir fyrir helgi en miðasala tók smá kipp í kringum jafnteflið gegn heimsmeisturum Frakka, sérstaklega eftir að Birkir Bjarnason kom Íslandi yfir í fyrri hálfleik.

Nánast hefur verið uppselt á hvern einasta heimaleik undanfarin ár en nú stefnir í að auð sæti sjáist þegar að strákarnir ganga út á Laugardalsvöllinn í kvöld á móti Sviss.

Leikurinn hefur mikla þýðingu fyrir bæði stöðu strákanna í Þjóðadeildinni sem og undankeppni EM 2020. Með sigri á liðið enn þá möguleika á að halda sér í A-deild Þjóðadeildarinnar og betri mögulega á að vera í efsta styrkleikaflokki þegar dregið verður til EM 2020 í byrjun desember.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.