Þúsund fermetrar sem eigendur þriggja einbýlishúsa hafa girt af Kolbeinn Tumi Daðason skrifar 15. október 2018 16:12 Loftmynd af umræddu svæði. Vesturbæjarlaugin er sunnan við húsin þrjú á Einimel þar sem garðarnir teygja sig samanlagt um þúsund fermetra inn á túnið. Myndin er unnin úr Borgarvefsjá borgarinnar. Svæðið sem eigendur einbýlishúsa við Einimel 22, 24 og 26 hafa lagt undir sig í leyfisleysi er samanlagt um eitt þúsund fermetrar. Ljóst er að um mjög verðmætt grænt svæði er að ræða í höfuðborginni. Um er að ræða eitt af fáum grænum svæðum fyrir vestan læk auk þess sem fermetraverðið á svæðinu hefur löngum verið við það hæsta í borginni. Fjallað var um málið í Fréttablaðinu í morgun þar sem fram kom í máli verkefnisstjóra hjá borginni að nokkuð ljóst væri að við umrædd hús hefði fólk tekið sér land fyrir utan sín lóðarmörk. „Það er klárlega í andstöðu við gildandi deiliskipulag og liggja engar heimildir fyrir um þessa landtöku. Erindi hafa verið tekin fyrir hjá skipulagsyfirvöldum þar sem umræddir lóðarhafar hafa óskað eftir stækkun sinna lóða eða að taka umrætt landsvæði í fóstur, en þeim hefur alltaf verið svarað neikvætt,“ segir í svari verkefnisstjórans. Ekkert kemur þó fram um hver næstu skref verði, hvort fólk fái að halda lóðunum eða ekki. Jón Gnarr ætlaði að sleppa hundi sínum lausum á túninu en fékk vont augnaráð.Fréttablaðið/Stefán Hundskaðist með hundinn sinn Jón Gnarr, fyrrverandi borgarstjóri, grínisti og hundaeigandi, er einn þeirra sem lýsir furðu á fósturtöku þriggja eigenda einbýlishúsa við Einimel í Vesturbæ Reykjavíkur. Ýmsar hugmyndir hafa verið uppi um nýtingu sundlaugatúnsins í gegnum tíðina. Meðal annars hefur frjálsíþróttadeild KR sýnt túninu áhuga og þá hefur verið rætt um stækkun í samvinnu við Vesturbæjarlaugina. Hundaeigendur eru reglulegir gestir á túninu þar sem þeir fara með hunda sína og leyfa þeim stundum að spretta úr spori. Það er þó ekki leyfilegt samkvæmt reglum um hundahald. „Það er alltaf athyglisvert þegar fólk slær svona eign sinni á almenningsrými og gerir það að sinni einkalóð. Þetta er alveg sérstök tegund af frekju,“ segir Jón í færslu á Facebook. „Ég fór þarna um daginn með hundinn minn og ætlaði að freista þess að leyfa honum að hlaupa þarna um. Kemur þá húsfreyja út úr einu húsinu og heldur en ekki ábúðarfull á svip, horfir hvössum og rannsakandi augum á mig og með hendur á mjöðmum og sá ég mér þann kost vænstan að hundskast burt.“ Jón segist ekki hafa skilið áhyggjur hennar enda sé lóðin hennar afgirt með hárri girðingu. „En ég skil það núna að hún telur sig líklega eiga tilkall til alls svæðisins eða vera einhvers konar verndari þess amk,“ segir Jón. Bessí Jóhannsdóttir. „Fátækt fólk yrði handtekið“ Bessí Jóhannsdóttir, fyrrverandi varaborgarfulltrúi Sjálfstæðisflokksins, hefur búið í einu húsanna í áratug. Hún fullyrðir, þvert á svör verkefnastjórans, að fermetrarnir þúsund séu í fóstri hjá eigendum húsanna. Það þekkist í borginni að húsnæðiseigendur taki landssvæði í fóstur. Í þeim tilfellum eru svæðin þó einatt opin og hagur almennings að vel sér hugsað um svæðið sem nýtist öllum. Ekki girt kirfilega af líkt og í tilfelli húsanna þriggja á Einimel. Ýmsir tjá sig á vegg Jóns Gnarr um málið og grínast „fóstbróðir“ hans, grínistinn Þorsteinn Guðmundsson, með að Jón geti tekið hús konunnar í fóstur við tækifæri. Teitur Atlason segir mjög ósvífið af fólkinu að sölsa landið undir sig. „Hugsið ykkur ef eitthvað fátækt fólk myndi gera svona. Fólk yrði handtekið og vinnuflokkar sendir með hvelli til að rífa niður girðingar. Þetta er ósanngjarnt.“ Eftir því sem fréttastofa kemst næst hafa fermetrarnir þúsund verið afgirtir um árabil. Nágrannar hafa sent fyrirspurnir á Reykjavíkurborg en engin svör fengið. Loks lögðu borgarfulltrúar Sjálfstæðisflokksins, þeir Halldór Halldórsson og Kjartan Magnússon, fram fyrirspurn í borgarráði vegna málsins í maí síðastliðnum. Þeir eru hins vegar hvorugur lengur fulltrúar í borginni og óvíst hvort aðrir borgarfulltrúar hyggist taka málið lengra. Veistu meira um málið? Sendu okkur línu á ritstjorn@visir.is. Fullum trúnaði er heitið. Borgarstjórn Reykjavík Deilur um Sundlaugartún Nágrannadeilur Tengdar fréttir Borgin telur land tekið án leyfis á Einimelnum Land utan við þrjú einbýlishús við Einimel hefur verið tekið af útvistarsvæði aftan við Vesturbæjarlaug og innlimað í lóðirnar í heimildarleysi. Þetta kom fram á fundi borgarráðs. Húseigandi segir hins vegar misskilning á ferðinn 15. október 2018 06:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Voru sérstaklega varaðir við árás frá ISKP Erlent Lýsisskip strandaði í Fáskrúðsfirði Innlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira
Svæðið sem eigendur einbýlishúsa við Einimel 22, 24 og 26 hafa lagt undir sig í leyfisleysi er samanlagt um eitt þúsund fermetrar. Ljóst er að um mjög verðmætt grænt svæði er að ræða í höfuðborginni. Um er að ræða eitt af fáum grænum svæðum fyrir vestan læk auk þess sem fermetraverðið á svæðinu hefur löngum verið við það hæsta í borginni. Fjallað var um málið í Fréttablaðinu í morgun þar sem fram kom í máli verkefnisstjóra hjá borginni að nokkuð ljóst væri að við umrædd hús hefði fólk tekið sér land fyrir utan sín lóðarmörk. „Það er klárlega í andstöðu við gildandi deiliskipulag og liggja engar heimildir fyrir um þessa landtöku. Erindi hafa verið tekin fyrir hjá skipulagsyfirvöldum þar sem umræddir lóðarhafar hafa óskað eftir stækkun sinna lóða eða að taka umrætt landsvæði í fóstur, en þeim hefur alltaf verið svarað neikvætt,“ segir í svari verkefnisstjórans. Ekkert kemur þó fram um hver næstu skref verði, hvort fólk fái að halda lóðunum eða ekki. Jón Gnarr ætlaði að sleppa hundi sínum lausum á túninu en fékk vont augnaráð.Fréttablaðið/Stefán Hundskaðist með hundinn sinn Jón Gnarr, fyrrverandi borgarstjóri, grínisti og hundaeigandi, er einn þeirra sem lýsir furðu á fósturtöku þriggja eigenda einbýlishúsa við Einimel í Vesturbæ Reykjavíkur. Ýmsar hugmyndir hafa verið uppi um nýtingu sundlaugatúnsins í gegnum tíðina. Meðal annars hefur frjálsíþróttadeild KR sýnt túninu áhuga og þá hefur verið rætt um stækkun í samvinnu við Vesturbæjarlaugina. Hundaeigendur eru reglulegir gestir á túninu þar sem þeir fara með hunda sína og leyfa þeim stundum að spretta úr spori. Það er þó ekki leyfilegt samkvæmt reglum um hundahald. „Það er alltaf athyglisvert þegar fólk slær svona eign sinni á almenningsrými og gerir það að sinni einkalóð. Þetta er alveg sérstök tegund af frekju,“ segir Jón í færslu á Facebook. „Ég fór þarna um daginn með hundinn minn og ætlaði að freista þess að leyfa honum að hlaupa þarna um. Kemur þá húsfreyja út úr einu húsinu og heldur en ekki ábúðarfull á svip, horfir hvössum og rannsakandi augum á mig og með hendur á mjöðmum og sá ég mér þann kost vænstan að hundskast burt.“ Jón segist ekki hafa skilið áhyggjur hennar enda sé lóðin hennar afgirt með hárri girðingu. „En ég skil það núna að hún telur sig líklega eiga tilkall til alls svæðisins eða vera einhvers konar verndari þess amk,“ segir Jón. Bessí Jóhannsdóttir. „Fátækt fólk yrði handtekið“ Bessí Jóhannsdóttir, fyrrverandi varaborgarfulltrúi Sjálfstæðisflokksins, hefur búið í einu húsanna í áratug. Hún fullyrðir, þvert á svör verkefnastjórans, að fermetrarnir þúsund séu í fóstri hjá eigendum húsanna. Það þekkist í borginni að húsnæðiseigendur taki landssvæði í fóstur. Í þeim tilfellum eru svæðin þó einatt opin og hagur almennings að vel sér hugsað um svæðið sem nýtist öllum. Ekki girt kirfilega af líkt og í tilfelli húsanna þriggja á Einimel. Ýmsir tjá sig á vegg Jóns Gnarr um málið og grínast „fóstbróðir“ hans, grínistinn Þorsteinn Guðmundsson, með að Jón geti tekið hús konunnar í fóstur við tækifæri. Teitur Atlason segir mjög ósvífið af fólkinu að sölsa landið undir sig. „Hugsið ykkur ef eitthvað fátækt fólk myndi gera svona. Fólk yrði handtekið og vinnuflokkar sendir með hvelli til að rífa niður girðingar. Þetta er ósanngjarnt.“ Eftir því sem fréttastofa kemst næst hafa fermetrarnir þúsund verið afgirtir um árabil. Nágrannar hafa sent fyrirspurnir á Reykjavíkurborg en engin svör fengið. Loks lögðu borgarfulltrúar Sjálfstæðisflokksins, þeir Halldór Halldórsson og Kjartan Magnússon, fram fyrirspurn í borgarráði vegna málsins í maí síðastliðnum. Þeir eru hins vegar hvorugur lengur fulltrúar í borginni og óvíst hvort aðrir borgarfulltrúar hyggist taka málið lengra. Veistu meira um málið? Sendu okkur línu á ritstjorn@visir.is. Fullum trúnaði er heitið.
Borgarstjórn Reykjavík Deilur um Sundlaugartún Nágrannadeilur Tengdar fréttir Borgin telur land tekið án leyfis á Einimelnum Land utan við þrjú einbýlishús við Einimel hefur verið tekið af útvistarsvæði aftan við Vesturbæjarlaug og innlimað í lóðirnar í heimildarleysi. Þetta kom fram á fundi borgarráðs. Húseigandi segir hins vegar misskilning á ferðinn 15. október 2018 06:00 Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur. Mest lesið Lokuðu þorpi í leit að svörum um hvarf tveggja ára drengs Erlent Stærsti gígurinn orðinn „formfagur“ Innlent Voru sérstaklega varaðir við árás frá ISKP Erlent Lýsisskip strandaði í Fáskrúðsfirði Innlent Ísland að tapa í slagnum um ferðamenn Innlent Átta ára stúlka sú eina sem lifði rútuslys af Erlent Vilja einfalda fólki að komast til sjúkraþjálfara Innlent „Það þarf að stoppa svona menn áður en þeir drepa einhvern“ Innlent „Hvergi í verklagsreglum að við séum að reka fólk í burtu“ Innlent Hætt við framboð og vonast eftir þjóðhollum og guðræknum forseta Innlent Fleiri fréttir Lýsisskip strandaði í Fáskrúðsfirði Stærsti gígurinn orðinn „formfagur“ Vilja einfalda fólki að komast til sjúkraþjálfara Vélsleðamaður lenti í snjóflóði Kvöldfréttir Stöðvar 2 Hætt við framboð og vonast eftir þjóðhollum og guðræknum forseta Ísland að tapa í slagnum um ferðamenn „Hvergi í verklagsreglum að við séum að reka fólk í burtu“ Aðstoða göngumann á Móskarðshnjúkum Íbúar Hlíða velta fyrir sér dularfullum hvelli Ísland sé í torfkofanum í meðferð alvarlegra atvika Ný og glæsileg skólaþyrping byggð á Hellu Hamfaragámur Bónus tryggir kældan mat í neyðarástandi Fullkomlega sáttur við ákvörðun sína en útilokar ekkert „Það þarf að stoppa svona menn áður en þeir drepa einhvern“ Hádegisfréttir Bylgjunnar Svipar til gamalla óupplýstra rána Sýknaður af ákæru um að hafa tekið í háls barns Bjartur skírdagur fram undan í höfuðborginni Líkamsárás til rannsóknar eftir nóttina Fjölskylda í norðurljósaleit hrakin á brott af leiðsögumönnum Vilja koma böndum á bókhald trúfélaga Ferðaóðir Íslendingar þyrpast í ferðalög innanlands sem utan Verulega brugðið yfir Hamraborgarmálinu Hátt í hundrað dauðsföll á þremur árum Týndi vinningshafinn gaf sig fram og græddi níu milljónir Felldu úr gildi friðlýsingu en mátu Mumma ekki vanhæfan Kvöldfréttir Stöðvar 2 Býr á Íslandi en dæmd í sex ára fangelsi í Rússlandi Eldur í Hafnarfirði Sjá meira
Borgin telur land tekið án leyfis á Einimelnum Land utan við þrjú einbýlishús við Einimel hefur verið tekið af útvistarsvæði aftan við Vesturbæjarlaug og innlimað í lóðirnar í heimildarleysi. Þetta kom fram á fundi borgarráðs. Húseigandi segir hins vegar misskilning á ferðinn 15. október 2018 06:00