Enski boltinn

Mata: Spennandi en erfiður mánuður framundan

Anton Ingi Leifsson skrifar
Mata mætir sínum gömlu félögum um helgina.
Mata mætir sínum gömlu félögum um helgina. vísir/getty
Juan Mata, miðjumaður Manchester United, segir að mánuðurinn framundan sé spennandi en einnig afar erfiður en prógrammið er ansi þétt hjá United.

Á laugardaginn spilar United gegn Chelsea áður en það bíða leikir gegn Everton, Bournemouth, Manchester City og tveir leikir gegn Juventus.

„Þetta er mjög erfiður mánuður. Við eigum erfiða leiki í úrvalsdeildinni og svo spilum við gegn Juventus í Meistaradeildinni," sagði Mata í samtali við Sky Sports.

„Ef við náum í góð úrslit gætu þetta verið mjög góður mánuður - er varðar stig, hugarfar og sjálfstraust. Við sjáum til hvar við stöndum í nóvember og desember."

„Ég held að þetta sé spennandi mánuður," sagði Mata.




Fleiri fréttir

Sjá meira


×