Innlent

Lögreglan varar við „inniveðri“ á morgun

Vésteinn Örn Pétursson skrifar
Þónokkru hvassviðri er spáð um land allt á morgun og hefur lögreglan hvatt fólk til þess að halda sig inni.
Þónokkru hvassviðri er spáð um land allt á morgun og hefur lögreglan hvatt fólk til þess að halda sig inni. Vísir/Stefán

Lögreglan á höfuðborgarsvæðinu birti í kvöld færslu á Facebook-síðu sinni þar sem fólk er minnt á að ganga vel frá lausum munum en veðurspáin fyrir morgundaginn er ekki góð.

Þá mælist lögreglan til þess að vegfarendur með aftanívagna eða á ökutækjum kanni aðstæður vel áður en lagt er af stað. Færslan endar með þeim orðum að á morgun verði „inniveður.“

Þá hefur Veðurstofan gefið út gula viðvörun um land allt sökum hvassviðris eða storms. Viðvörunin tekur gildi á laugardagsmorgni og gildir í um það bil einn sólarhring.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.