Langþráð mark Morata tryggði Chelsea sigur

Chelsea lét sér eitt mark duga er liðið vann 1-0 sigur gegn unverska liðinu, Vidi FC, er liðin mættust á Brúnni í kvöld.

Chelsea sótti mikið í fyrri hálfleik og Alvaro Morata fékk nokkur góð tækifæri til að skora en það tókst ekki.

Vidi átti sín upphlaup í leiknum og voru Chelsea heppnir að lenda ekki undir í einhverjum af áhlaupum Vidi.

Eina mark leiksins skoraði svo Morata en boltinn barst til Spánverjans á 70. mínútu og hann mokaði boltanum í netið. Lokatölur 1-0.

Chelsea er með sex stig eftir fyrstu tvo leikina en Vidi er á botninum án stiga. Bate og PAOK eru svo í öðru og þriðja sætinu með þrjú stig.