Viðskipti innlent

HM-farar gætu brunnið inni með rúblurnar

Stefán Ó. Jónsson skrifar
Þessir Rússlandsfarar gætu þurft að drífa sig í banka, vilji þeir fá íslenskar krónur fyrir rússnesku rúblurnar sínar.
Þessir Rússlandsfarar gætu þurft að drífa sig í banka, vilji þeir fá íslenskar krónur fyrir rússnesku rúblurnar sínar. Vísir/vilhelm

Af stóru bönkunum þremur býður Landsbankinn einn upp á það að skipta rússneskum rúblum yfir í íslenskar krónur. Það verður þó líklega ekki til framtíðar og því gætu Rússlandsfarar verið að brenna inni með rúblurnar sínar.

Vísir fékk ábendingu frá einstaklingi sem lagt hafði leið sína á heimsmeistaramótið í knattspyrnu í Rússlandi síðasta sumar. Hann hafði tekið út rúblur í þarlendum hraðbanka sem Rússlandsfarinn vildi svo skipta yfir í íslenskar krónur þegar heim var komið. Það hafi hins vegar ekki verið hlaupið að því. Eftir flakk á milli bankaútibúa og mikið japl, jaml og fuður hafi hann hins vegar loks fengið krónur í hendurnar.

Upplýsingafulltrúar Arion og Íslandsbanka segja að bankarnir tveir bjóði almennt ekki upp á rúblur og skipti þeim því ekki yfir í íslenskar krónur. Almennt sé lítil eftirspurn eftir gjaldmiðlinum og því hafi bankarnir ekki verið að kaupa þær eða selja. Hið sama megi segja um aðrar myntir sem lítil eftirspurn sé eftir.

Landsbankinn tekur hins vegar sem stendur við rúblum, að sögn upplýsingafulltrúa bankans. Hins vegar séu lítil viðskipti með myntina, eins og hinir upplýsingafulltrúarnir tveir nefndu, og því ætti ekki að koma á óvart ef Landsbankinn muni á einhverjum tímapunkti hætta að versla með rúblur. Rússlandsfarar sem vilja næla sér í krónur ættu því að koma með rúblurnar sínar í næsta útibú fyrr en síðar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
HAGA
1,25
2
48.600
SKEL
0,66
3
89.276
GRND
0,62
1
16.100
SYN
0,2
3
127.020
MARL
0,13
7
28.952

Mesta lækkun dagsins


Félag
Br.%
Fjöldi
Velta*
ICEAIR
-1,39
10
48.327
VIS
-1,15
3
34.510
TM
-0,52
3
34.622
FESTI
-0,2
1
9.980
EIK
-0,13
1
7
Velkomin á Vísi. Þessi vefur notar vafrakökur. Sjá nánar.