Viðskipti erlent

Fóru leynt með gríðarmikinn gagnaleka og reka nú síðasta naglann í kistu Google+

Kristín Ólafsdóttir skrifar
Google+ var hleypt af stokkunum árið 2011 en náði aldrei fótfestu meðal netverja.
Google+ var hleypt af stokkunum árið 2011 en náði aldrei fótfestu meðal netverja. Vísir/Getty

Tæknirisinn Google hyggst leggja niður samfélagsmiðil sinn Google+ eftir að kerfisgalli veitti utanaðkomandi aðilum aðgang að gögnum allt að 500 þúsund notenda og vina þeirra, sem aldrei höfðu samþykkt skilmála þess efnis. Wall Street Journal greindi fyrst frá gagnalekanum á vef sínum í kvöld.

Í minnisblaði, sem yfirmenn hjá Google sendu starfsfólki sínu og Wall Street Journal hefur undir höndum, segir að fyrirtækið hafi fyrst frétt af gagnalekanum í mars síðastliðnum en ákveðið að greina ekki frá honum.

Sjá einnig: Google viðurkennir að utanaðkomandi geti lesið Gmail-pósta

Um svipað leyti var Mark Zuckerberg, stofnandi samfélagsmiðilsins Facebook, yfirheyrður frammi fyrir orku- og viðskiptamálanefnd fulltrúadeildar Bandaríkjaþings vegna misferlis fyrirtækisins Cambridge Analytica með persónuupplýsingar milljóna Bandaríkjamanna. Í minnisblaði Google segir að fyrirtækið hafi eindregið viljað komast hjá slíkum málaferlum.

Eftir að frétt Wall Street Journal fór í loftið gaf Google út yfirlýsingu um að lokað yrði fyrir aðgang allra notenda Google+ og samfélagsmiðillinn verði þannig tekinn alveg úr notkun næsta árið. Þá var tekið fram að samkvæmt lögum hafi Google ekki borið skylda til að tilkynna notendum sínum um gagnalekann.

Í yfirlýsingunni segir jafnframt að 438 utanaðkomandi aðilar, þ.e. smáforrit sem ekki tengjast Google, kunni að hafa komist yfir persónuupplýsingar allt að 500 þúsund notenda Google+. Engin leið sé þó að komast að því hversu viðamikill lekinn var og hvort upplýsingarnar hafi verið notaðar. Þá hyggst fyrirtækið bæta öryggi notenda sinna, til að mynda með því að gera þeim kleift að takmarka enn frekar hvaða upplýsingum þeir deila með forritum ótengdum Google.

Google+ var hleypt af stokkunum árið 2011 en náði aldrei fótfestu meðal netverja.


Tengdar fréttir

Herða árásir á Google

Íhaldssami fjölmiðillinn Breitbart hefur birt myndband þar sem æðstu yfirmenn Google kvarta yfir kjöri Donald Trupm, sem forseta Bandaríkjanna sem á að vera til marks um mismunun fyrirtækisins gagnvart íhaldsmönnum.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Mesta hækkun dagsins


Félag
Br.%
Fjöldi
Velta*
ICEAIR
1,8
6
20.349
MARL
1,32
4
79.593
HAGA
0,74
3
141.155
N1
0,41
5
190.896
EIK
0,26
3
34.958

Mesta lækkun dagsins


Félag
Br.%
Fjöldi
Velta*
GRND
-0,98
2
15.300
EIM
-0,73
4
23.410
SIMINN
0
4
20.348
SKEL
0
4
16.241
HEIMA
0
1
220
Velkomin á Vísi. Þessi vefur notar vafrakökur. Sjá nánar.