Matur

Einfalt með Evu: Focaccia, súkkulaðimús og Risotto með kóngasveppum

Stefán Árni Pálsson skrifar
Eva þekkir einfalda rétti betur en flestir.
Eva þekkir einfalda rétti betur en flestir.

Einfalt með Evu fór í loftið á Stöð 2 á dögunum en í þáttunum matreiðir Eva Laufey Kjaran Hermannsdóttir frábæra en á sama tíma einfalda rétti. 

Uppskriftirnar verða ávallt aðgengilegar hér á Vísi. Hér að neðan má sjá uppskriftir úr þætti kvöldsins.


Focaccia með hvítlauk og rósmarín.

Focaccia með hvítlauk og rósmarín

Deig: 
600 g hveiti 1  msk hunang ½ tsk. Salt 12 g þurrger (1 bréf)
1 dl ólífuolía
Ofan á:
1 dl ólífuolía
2 hvítlauksrif
1 msk smátt saxað rósmarín
10 kirsuberjatómatar

Aðferð: Blandið volgu vatni, þurrgeri og hunangi saman í skál. Hrærið vel í blöndunni og látið standa í nokkrar mínútur eða þar til það byrjar að freyða í skálinni.

Blandið öllum hráefnum saman í hrærivélaskál og hnoðið deigið vel eða þar til deigið er slétt og sprungulaust. Þá er deigið látið hefast undir viskastykki þar til það hefur tvöfaldast að stærð eða í um það bil 35 – 40 mínútur. Því næst er ofnskúffa smurð með ólífuolíu, deigið sett í skúffuna og því þrýst jafnt út í alla kanta.

Saxið hvítlauk, rósmarín og blandið við ólífuolíu. Smyrjið deigið vel með hvítlauksolíunni, sáldrið sjávarsalti yfir og stingið nokkrum kirsuberjatómötum í deigið. Bakið brauðið við 200 °C í 15-20 mínútur eða þar til brauðið er orðið gullinbrúnt.

Súkkulaðimús af dýrari gerðinni.

Himnesk súkkulaðimús - Fyrir fjóra

30 g smjör
220 g súkkulaði
260 ml rjómi
3 stk egg
2 msk sykur
Sjávarsalt á hnífsoddi
Fersk hindber

Aðferð:
Bræðið smjör og súkkulaði við vægan hita í potti. Hellið súkkulaðiblöndunni í skál og blandið þremur eggjarauðum saman við. Kælið blönduna.

Þeytið rjóma og bætið að því loknu súkkulaðiblöndunni saman við í þremur hlutum. Leggið blönduna. Stífþeytið eggjahvíturnar og bætið sykrinum smátt og smátt saman við.

Hrærið eggjahvítublönduna mjög varlega saman við súkkulaðiblönduna með sleikju, hrærið vanillu út í að lokum. Skiptið súkkulaðimúsinni niður í  falleg glös eða skálar og geymið í kælií lágmark 3 klukkustundir áður en þið berið hana fram.

Ómótstæðilegt Risotto að hætti Evu Laufeyjar.

Risotto með kóngasveppum

  • 1 msk ólífuolía + klípa smjör
  • 1 laukur
  • 2 hvítlauksrif
  • 4 dl arborio hrísgrjón
  • 250 g smátt skorinn aspas
  • 80 g kóngasveppir
  • 10 flúðasveppir
  • 8 dl kjúklingasoð
  • 2 dl hvítvín
  • Salt og pipar
  • 60-80 g parmesan ostur
  • 2 msk smjör

    Aðferð:
  1. Leggið þurrkaða kóngasveppi í bleyti samkvæmt leiðbeiningum á pakkanum.
  2. Hitið ólífuolíu í potti, steikið lauk og hvítlauk í 2-3 mínútur. Bætið smátt söxuðum aspas og smátt söxuðum sveppum út í pottinn og steikið, bætið því næst arborio grjónum út í og hrærið stöðugt.
  3. Hellið hvítvíninu saman við og leyfið því að sjóða niður, bætið næst kjúklingasoðinu smám saman við og hrærið mjög vel á milli.
  4. Bætið parmesan ostinum og smjörinu saman við í lokin og kryddið til með salti og pipar.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.



Velkomin á Vísi. Þessi vefur notar vafrakökur. Sjá nánar.