Bíó og sjónvarp

Ivan Drago snýr aftur í Creed 2

Samúel Karl Ólason skrifar
Ivan og Victor Drago standa andspænis Adonis Johnson.
Ivan og Victor Drago standa andspænis Adonis Johnson.
Leikarinn Dolph Lundgren snýr aftur í hlutverki boxarans rússneska Ivan Drago í myndinni Creed 2. Drago sást síðast í Rocky IV þar sem hann og Rocky börðu hvorn annan í spað. MGM birti í dag nýja stiklu fyrir Creed sem svarar nokkrum spurningum sem vöknuðu þegar fyrsta stiklan var opinberuð fyrir nokkrum mánuðum.

Þá kom fram að næsti andstæðingur boxarans Adonis Johnson, sem Rocky sjálfur þjálfar, var í búningi merktum nafninu Drago.

Nú er ljóst að um er að ræða son Ivan Drago sem heitir Victor Drago og hann er þjálfaður af föður sínum, sem einmitt drap Appolo Creed, föður Adonis, í boxhringnum. Ef til vill er best að lesa þessa setningu tvisvar.

Stikluna má sjá hér að neðan en til stendur að frumsýna Creed 2 þann 21. nóvember.






Fleiri fréttir

Sjá meira


×