Enski boltinn

„Rashford verður ekki markaskorari á Old Trafford“

Ástrós Ýr Eggertsdóttir skrifar
Rashford misnotaði tvö góð færi í leiknum við Spánverja á laugardag
Rashford misnotaði tvö góð færi í leiknum við Spánverja á laugardag Vísir/Getty
Marcus Rashford þarf að yfirgefa Old Trafford ef hann vill verða hreinræktaður framherji og markaskorari. Þetta segir Alan Shearer.

Shearer er goðsögn á meðal margra stuðningsmanna enska boltans, hann spilaði 767 fótboltaleiki á ferlinum og skoraði heilan helling af mörkum. Eftir að ferlinum lauk hefur hann fært sig yfir í fjölmiðla og er virtur knattspyrnusérfræðingur.

Í pistli sem birtist í The Sun segir Shearer að Rashford þurfi að komast í annað félag og undir stjórn annars knattpsyrnustjóra ef hann ætlar að verða hreinræktaður framherji.

Shearer á 379 mörk í efstu deild á Englandi á nærri tuttugu ára ferlivísir/getty
„Ég er mikill aðdáandi Marcus Rashford. Hann kemur sér í góðar stöður, hleypur inn fyrir varnarmenn og er stöðugt ógnandi,“ byrjaði Shearer pistil sinn.

„Markið hans á Wembley á laugardaginn [gegn Spáni í Þjóðadeildinni] sýndi hver hann er. Því miður sýndu færin tvö sem hann klúðraði einnig hvar hann er staddur í augnablikinu.“

Shearer segir framherja sem spilar reglulega sem fremsti maður ekki hafa klúðrað þessum færum.

„Af þeim 126 leikjum sem Rashford hefur spilað í fyrir Manchester United er ég ekki viss í hve mörgum hann spilaði sem framherji.“

„Á meðan Romelu Lukaku er heill heilsu mun Rashford ekki fá byrjunarliðssæti sem eini framherjinn. Á meðan Jose Mourinho er knattspyrnustjórinn mun Untied ekki spila með tvo framherja.“

„Jafnvel ef Lukaku byrjar ekki þá held ég Alexis Sanchez yrði settur fremstur. Mun Mourinho virkilega snúa sér að Rashford ef honum vantar annan framherja, eða fer hann og kaupir sér þekktan markaskorara?“

„Ég er ekki að segja að Rashford eigi að yfirgefa Manchester United, það er frábært félag. En ef hann ætlar að verða þekktur sem frábær markaskorari þá mun það ekki gerast á Old Trafford,“ sagði Alan Shearer.

Pistilinn í heild sinni má lesa hér.




Fleiri fréttir

Sjá meira


×