Erlent

Yfir þúsund manns handteknir í mótmælum í Rússlandi

Kjartan Kjartansson skrifar
Lögreglumenn draga mótmælanda í burt í Sankti Pétursborg um helgina.
Lögreglumenn draga mótmælanda í burt í Sankti Pétursborg um helgina. Vísir/EPA

Rússneska lögreglan handtók rúmlega þúsund manns í mótmælum gegn fyrirhuguðum breytingum á ellilífeyri víða um landið um helgina, að sögn félagasamtaka sem fylgjast með handtökum. Lögreglumenn börðu mótmælendur meðal annars með kylfum á sumum stöðum.
Áform ríkisstjórnar Vladímírs Pútín forseta um að hækka eftirlaunaaldur í landinu hafa orðið tilefnið til fjöldamótmæla undanfarnar vikur. Stuðningsmenn Alexei Navalní, leiðtoga stjórnarandstöðunnar í landinu, skipulögðu mótmælin um helgina. Navalní er sjálfur í gæsluvarðhaldi fyrri að hafa skipulagt mótmæli án leyfis yfirvalda í Moskvu í janúar.
CNN-fréttastöðin segir að flestir hafi verið handteknir í Sankti Pétursborg um helgina. Þar segja félagasamtökin OVD-Info að 452 hafi verið handteknir. Myndir frá mótmælunum benda til þess að lögreglan hafi handtekið fólk á öllum aldri, allt frá börnum upp í gamalmenni. Lögreglumenn hafi beitt kylfum til þess að leysa upp mótmælin.


Tengdar fréttir



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.