Sport

Kaepernick hrósaði leikmönnum fyrir að fara niður á hné

Henry Birgir Gunnarsson skrifar
Stills og Wilson þora enn að fara niður á hné.
Stills og Wilson þora enn að fara niður á hné. vísir/getty

Fyrsti stóri leikdagurinn í NFL-deildinni var í gær og margt áhugavert í gangi. Þar á meðal mótmæli leikmanna meðan þjóðsöngurinn er leikinn en þau eru ekki hætt þó svo eigendur liðanna reyni að koma í veg fyrir þau.

Miami-leikmennirnir Kenny Stills og Albert Wilson fóru niður á hné í þjóðsöngnum. Aðrir reistu hnefann upp í loft en sumir mótmæltu hljóðlega með því að bíða inn í göngunum í þjóðsöngnum.

Upphafsmaður mótmælanna, Colin Kaepernick, hrósaði Stills og Wilson fyrir sitt hugrekki.

„Þetta hugrekki mun hafa áhrif á heiminn. Þeir sýndu mikinn styrk með því að berjast fyrir þá bældu. Þeir gefast ekki upp þó svo ráðist sé á þá og þeim ögrað,“ skrifaði Kaepernick meðal annars á Twitter.



Fyrsta umferðin klárast í kvöld með tveimur leikjum en það var mikið fjör í gær. Aaron Rodgers, leikstjórnandi Packers, meiddist gegn Chicago í gær en snéri aftur meiddur út á völlinn og leiddi ótrúlega endurkomu síns liðs.

Cleveland vann ekki leik á síðustu leiktíð en nældi í óvænt jafntefli gegn Pittsburgh. Þegar búnir að gera betur en í fyrra.

Úrslit gærdagsins:

Green Bay-Chicago  24-23
Baltimore-Buffalo  47-3
Cleveland-Pittsburgh  21-21
Indianapolis-Cincinnati  23-34
Miami-Tennessee  27-20
Minnesota-San Francisco  24-16
New England-Houston  27-20
New Orleans-Tampa Bay  40-48
NY Giants-Jacksonville  15-20
LA Chargers-Kansas City  28-38
Arizona-WEashington  6-24
Carolina-Dallas  16-8
Denver-Seattle  27-24

NFL


Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.