Lífið

Með níu fermetra auka tjaldherbergi inni í stofu

Stefán Árni Pálsson skrifar
Vala Matt kíkti í heimsókn á Selfoss.
Vala Matt kíkti í heimsókn á Selfoss.

Í síðasta þætti af Íslandi í dag á Stöð 2 Vala Matt fór í skemmtilegan leiðangur á Selfoss þar sem hjónin Auður Ottesen og Páll Jökull hafa búið til, úr engu, ævintýralegan garð með ætiplöntum, tjörn og fleira skemmtilegu.

Saman hafa þau gefið út tímaritið Sumarhúsið og garðurinn. Auður er ein sú fróðasta um þróun íslenskra garða undanfarna áratugi og sýndi hún áhorfendum hvernig þeir hafa breyst í gegnum tíðina.

Tískustraumar, nýríkir Íslendingar sem fá verktaka til þess að gera allt, hrunið og kreppan þegar allir fóru að rækta grænmeti og krydd í garðinum.

Og Auður er einnig óhemju frumleg og skemmtileg og þegar Vala kíkti heim til hennar sá hún meðal annars veggfóðrað anddyrið hjá henni með útklipptum myndum úr tímaritunum hennar. Og í stofunni hafði Auður tjaldað stóru tjaldi til þess að hýsa óvænta gesti.

Tjaldið er níu fermetrar og því í raun nýtt herbergi inni í stofunni sem síðan má taka niður þegar gestirnir fara.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.