Veiði

Töluvert af gæs komin í tún og akra

Karl Lúðvíksson skrifar

Gæsaveiðin hefur verið upp og ofan síðustu daga en það voru samt einhverjir sem gerðu ágætis skytterí um helgina.

Veiðivísir var á flakki um suðurlandsundirlendið um helgina og víða mátti sjá töluvert af gæs á túnum og í ökrum þá sérstaklega við Fljótshlíð og í ökrum sunnan við Hellu og Hvolsvöll.  Það á síðan bara eftir að bæta í þessa hópa á næstu vikum en það gerist þó yfirleitt ekki fyrr en það fer aðeins að kólna.

Það voru greinilega allmargir við veiðar á heiðagæs um helgina því sumir staðir sem eru vel þekktir voru nokkuð vel setnir bæði í kvöldflugi á föstudagskvöld og laugardagskvöld.  Þær skyttur sem við höfum heyrt frá voru í mismiklum fugli eða allt frá því því að fá 4-5 gæsir yfir í 20-30 gæsir í kvöldfluginu.  Það fer síðan mikið eftir því hvernig viðrar í haust hversu lengi tímabilið mun endast en í fyrra hætti veiðin að mestu um miðjan nóvember og mestur hluti gæsarinnar hvarf af landi brott.  Haustið í fyrra var eins og við munum eftir kalt og vindasamt en þegar betur viðrar er víða hægt að skjóta gæs fram í desember.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.