Veiði

Fín veiði í Affallinu

Karl Lúðvíksson skrifar
Það hefur verið fín veiði í Affallinu í sumar.
Það hefur verið fín veiði í Affallinu í sumar.

Affallið hefur verið mjög gott í sumar en áin er oft einna best þegar líður á tímabilið.

Heildarveiðin í Affallinu í fyrra var heldur döpur en þá veiddust aðeins 193 laxar í ánni en núna er hún komin yfir 700 laxa og það er mikill fiskur í henni samkvæmt þeim veiðimönnum sem hafa verið við Affallið nýlega.  Affallið er eins og Eystri og Ytri Rangá haldið uppi með seiðasleppingum og virðast heimtur í ár hafa verið sérstaklega góðar.  Það er ennþá að ganga lax og núna fer sjóbirtingurinn að sýna sig í ánni líka en neðstu svæðin verða oft ansi lífleg þegar vænir sjóbirtingar kíkja þangað inn.  Affallið er mjög vel selt og síðast þegar Veiðivísir kannaði stöðuna voru afar fáir dagar lausir, þeir gætu verið seldir þegar þetta er skrifað, svo þeir sem ætla að láta reyna á að kíkja í síðsumarsveiði á suðurlandi þurfa líklega að hafa nokkuð hraðar hendur. 



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.